Qudas Alang siin qudas Ibi, mal’uu uka palkadaan, dadusa madadaingaz ihaan taqul nastu, susupsup i kaunan. Maidadaza a qus’ul, ihaan qazam taqul tu daza tu’i’ia masling tu sing’av, matinliskin a dadusa madadaingaz madia tu iniliskinan, pali’uni amin madia itu Bunun siduq qabasan itu sia Qavit tu sintataqu.
老阿倫和老伊畢，閒著無事，兩人坐在絲瓜棚下，抽著菸草。燃煙裊裊上升，鳥兒在絲瓜棚上清脆的啼叫，勾起了兩位老人家許多的回憶，也談了許多布農族有關百步蛇的傳說故事。

Tinan’a dau tu, maaq tu qabasang a, misnahaan dau ivut tupa’un tu baihal tu ismuut tinis’uvaz’azun, laupaku ka, maqtu’ang dau ihaan baihal tu ismuut kumbu ukiliman i isia ivut muhiqil tu haqil.
傳說，在古時候，蛇是從一種叫做Baihal的草裡誕生的，即使現在，還是能在Baihal草叢中找到蛇皮。

Ihaan nastu dalaqti sikaupa tu miniqumis, haiza’an amin tauktas’a makitvaivi tu sinpinqala, paaqpun, maaq tu ihaanang qabasan daingaz a, tupa’un tu makitvaivi sinpinqala tu iniqumisan, maaq a Bunun siduq a, sia qavit a pin’uniun susumumun tu sinpinqala.
世界上任何一個民族，都有其獨特的圖騰，所以原始的社會，又可稱為圖騰社會，所以布農族人就是以百步蛇做為圖騰祟蟲拜的對象。

Maaq a qavit a kapisingun tu ivut, mapising a bunun istaa, paaqpun mapakaviaz istaa, musasuu tu patinganan tu “ Kaviaz”. Nii a Bunun maludaq mapataz i Kaviaz, maupa’i masamu dau naipa, nitu maqtu madamu mapaklang ma’un.
百步蛇為一種可懼的蛇類，布農族人怕牠，便與之交好，甚至稱牠為Kaviaz。布農族人不打不殺Kaviaz，這是禁忌，更不會將其烤來吃。

Maisiqabas, pakasvala a Bunun siin Qavit, maaki ihaan daan palanduu Qavit a, asa tu santain i mudadaan. Maaki masibalat Qavit ihaan daan maltatakzang nait mataqdut i maquun ismuut tu sinkuzakuza ka, nasiza Bunun tas’a madangqas tu hulus siki isaiv Qavit.
自古以來，布農族人與百步蛇和平相處，若路上遇見百步蛇，會先禮讓，若百步蛇擋住去路或除草時妨礙了工作，布農族人會以一塊小紅布遞給百步蛇。

Tupa’un naipa tu, “ Pakasvala’an ata, maqtu’ang asu mundingalan?” Maaki tinan’a’in Qavit a, kan’anak naipa mudaan mundingalan.
告訴牠說：「我們是朋友，請你讓開好嗎？」百步蛇聽了，便會自動離去。