活動訊息
用閱讀開啟視野，讓書成為照亮你人生的光
【金石堂選書】本月推薦您這些好書👉 快來看看
內容簡介
臺灣詩學25週年個人詩集
我的花園內底無驕艷的玫瑰，無雅氣的蓮花池。一支草kâm一點毋甘，日頭炤著，閃閃爍爍。
我的大海頂頭無高貴的郵輪，無五彩的光影。一粒螺仔kâm一屑仔疼惜，海風吹來，有神仙的氣味。
《鹽酸草》是詩人王羅蜜多頭一本臺語詩集，詩冊裡有85首散文詩佮40首分行詩。作品多數位報紙、詩刊、面冊抾倒出來，另外有一寡得過獎的詩。
用母語思考，行過土生土長的記持，每一支草每一粒螺仔，攏有伊的意味。有時無張持ànn落去，嘛會抾著一首詩。
本書特色
1.臺灣詩學25週年紀念，個人詩集系列之一。
2.知名臺語詩人陳金順盛讚：就是伊遮的詩，毋是用艷麗字詞編織的詩網，是共生活體驗化做長長的句讀，遮的句讀裡有伊個人獨有的哲學觀佮美感經驗。
目錄
【總序】與時俱進•和弦共振―臺灣詩學季刊社成立25周年／蕭蕭
【話頭】泅入大海的詩翁／陳金順
【話頭】散步．散心．散文．詩／王羅蜜多
▐ 輯一 春天的穎▐
春天的穎
新春的囡仔嬰
幸運草
這款草
籤王
斑芝悲情
鳳凰紅記記
一蕊退休的雲
烏面抐桮
大腸鏡
鳥仔
偉大的煉金術師
清明．失落
阿膠佮阿葉
露螺
皺皮水雞
夢洩
梅姬發飆彼一瞑
流浪的皮
風颱
命底
瓦杮仔
掠畫骨
寒露
▐ 輯二 七里薟▐
七里薟
洗身軀
大頭崁仔的布袋戲
布袋戲（一）
布袋戲（二）
日頭佮樹仔的對話
人佮神的對話
佮日月對話
佇彌陀的林園對話
風景話
頭神
七月猶未過
偷渡客
七月lām雜詩
七月半，來PLAY
猴年還袂到
六跤海翁
沖著鳥仔
島嶼的喙瀾
SAKU
光棍節
橋樑
去了了
寫將
▐ 輯三 大海我閣來矣▐
茶話
海邊無陳雷
大海002
大海003
大海004
大海005
大海006
大海007
大海008
大海009
大海010
大海011
大海012
大海013
大海014
大海015
大海016
大海017
大海018
大海019
大海020
大海021
大海022
大海023
大海024
大海025
大海026
大海027
大海028
大海029
大海030
大海031
大海032
大海033
流浪1
流浪2
▐ 輯四 開剖海翁▐
開剖海翁
開剖一隻埃及斑蠓
開剖伯勞
開剖恐龍
壁虎下山
蠓仔經
臺灣小食部名菜
臺灣小吃部
2016.2.6大目降的中山路
風聲
意象
我袂曉為地動寫詩
壁虎佮蟮蟲仔
挵壁
▐ 輯五 一張故鄉的形圖▐
一張故鄉的形圖
鐵馬流浪記
海洋的滋味
愛情向前行
黑白想
電腦戀歌
一支烏趖趖的茶鈷
手指
粉紅色的噗仔聲
古早喙脣
相相
搖錢樹
春天無人鼻
路燈暝
翕相師
鵝來鵝去•烏白想
秋天啊
青翠的稀媺
孤枝
這款的樹欉
準講
種子
等待
序／導讀
散步．散心．散文．詩／王羅蜜多
徛家附近的虎頭埤，踅一輾較臨一點鐘。四常散步的所在。
我誠愛佇自由行踏當中，放浪全身，隨在靈魂颺颺飛，雲頂樹縫埤仔底四界烏白揣。定定有一寡話語家己浮上心頭，仝時出現的意象可能近在眼前，也可能遠在千里外。
散步了後經常會寫出小品仔、散文、分逝的詩，抑是散文詩。不而過，這是採用慣勢的文類認定。我總是認為文類是後設的，統早的人寫佮講自然位內心發射， 並無分類，後來煞愈分愈濟。而且現在文類相濫的情況愈來愈常在，有一寡文章誠歹分類，就像是美術創作的互相濫雜，媒材綜合，有人規氣就攏總共叫做視覺藝術。
我袂專工去寫一首「散文詩」，就像古早人用毛筆寫一封批，一篇蘭亭集序，並袂講伊這馬欲來創作一件「書法」作品。
通常是佇寫作當中，心思往分逝詩走，向散文詩走，抑對散文走，就看因緣變化。或且有當時，別人寫出詩性誠淺薄的散文，但自稱是「散文詩」，甚至將「散文」集冊，冊名號明是散文詩，我也會笑笑仔共讀，歡喜就好！
其實，我嘛看過公認的散文詩名家，一篇兩千外字的散文，就囥佇散文詩集內底。不而過，詳細讀過，發現伊的詩人情懷，痟痟搦搦的話語行動，不斷流落佇長躼躼的文字當中。這是毋是詩？恐驚袂當單純用意象、隱喻、束結來論斷伊的詩質。
近幾冬來，我寫出來的詩文，攏誠緊就囥上面冊， 連同散步中所翕的「有感應」的景象。若講著文字的細膩斟酌，抑大幅修改，或規篇重寫，彼是以後的代誌矣！
寫詩，是輕鬆閣嚴肅的代誌，不過並毋是隨便抑嚴重的代誌。散步，散心，寫散文或詩或散文詩，暢心暢神，生命中的大事啊，何樂而不為？
試閱
春天逐跡攏是穎，有的對壁角旋出來，有的對石頭縫piak出來，有的對樹頭pok出來，閣有的uì鬢邊軁出來。
我掛老歲仔目鏡一跡一跡巡視，發覺啊，逐家的穎攏青青翠翠幼咪咪，按怎干但阮的殕殕兼粗絲，閣帶鳥屎色。
急診的醫生用超音波、斷層掃描檢查，哎呀，汝的頭殼內一群鳥仔飛來飛去，有時唸歌詩，有時講故事，莫怪汝逐瞑ià-ià捙，目睭眨眨nih。
醫生出手掀我的天靈蓋欲共鳥仔喊走。俺娘喂！我驚一趒開門傱出去，看著春天的日頭已經佇雲邊出一穎。
註︰
穎︰ínn，幼芽。
軁，nǹg，鑽過。
ià-ià捙︰ià-ià tshia，翻來覆去。
喊，hiàm。
驚一趒，kiann tsi̍t tiô，嚇一跳。
（2017.3.19於臺灣詩路詩歌音樂會朗誦）〈新春的囡仔嬰〉
春天的亂鐘仔giang giang叫，畫室頭前的鹽酸草，一支一支醒起來矣。
佇甜蜜的眠夢中孵出來的囡仔嬰，好奇的目睭也一蕊一蕊褫開。
怹第一眼看著的世界，是桂花阿姨妖嬌美麗閣兼有hiù芳水的身軀。
註︰
囡仔嬰︰gín-á-enn，嬰孩。
（2016.3.20於臺灣詩路詩歌音樂會朗誦）〈幸運草〉
厝頭前小花園，我從來毋知伊有幾坪。只知影生活中，桂花一直大，玫瑰時常剪，韓國草焦去就愛換。
彼日佇思慕微微的雨濛中，開門想欲拔去記持的雜草，突然噗一下，一支黃色小雨傘拍開我心內的門窗。
小雨繼續濛濛，翩翩蝴蝶飛過來，我佮愛人佇校園裡的隱蔽角落，尋找四葉的幸運草，規目睭攏是愛情的詩，滿耳孔全是青春的句。
現在，我已經真珍惜自然土生的鹽酸草，無閣補種韓國草，就按呢黃色的小花蕊一工一工盛開，幸運也一工一工成長。我想，毋管三葉或是四葉，這個花園已經漸漸大漢了。
訂購/退換貨須知
加入金石堂 LINE 官方帳號『完成綁定』，隨時掌握出貨動態：
提醒您！！
金石堂及銀行均不會請您操作ATM! 如接獲電話要求您前往ATM提款機，請不要聽從指示，以免受騙上當！
購買須知：
使用金石堂電子書服務即為同意金石堂電子書服務條款。
電子書分為「金石堂(線上閱讀+APP)」及「Readmoo(兌換碼)」兩種：
- 請至會員中心→電子書服務「我的e書櫃」領取複製『兌換碼』至電子書服務商Readmoo進行兌換。
退換貨須知：
- 因版權保護，您在金石堂所購買的電子書僅能以金石堂專屬的閱讀軟體開啟閱讀，無法以其他閱讀器或直接下載檔案。
- 依據「消費者保護法」第19條及行政院消費者保護處公告之「通訊交易解除權合理例外情事適用準則」，非以有形媒介提供之數位內容或一經提供即為完成之線上服務，經消費者事先同意始提供。（如：電子書、電子雜誌、下載版軟體、虛擬商品…等），不受「網購服務需提供七日鑑賞期」的限制。為維護您的權益，建議您先使用「試閱」功能後再付款購買。
商品評價