一九四三年（民32）我出生佇台灣北部漁村野柳社。因為野柳地形是屬大屯山向東北延出的支脈伸出海中約三公里長俗稱「野柳龜」。基本上它分成三段？頭段是港區和漁舍社區，分作三社，港左俗稱「野柳爿社」（港西）。港ㄟ正爿稱中社（港東）居民較秭，中社有保安宮主神唪祀聖王公祖（俗名：陳元光是開閩將軍）。第三社是隱於中社東南邊的後澳啊山後俗稱「後澳啊社」（東澳）。野柳龜第二段是土地公山東北面至龜頭山腳下，也就是野柳龜岬最大海蝕洞，俗稱「王爺宮」後改名「媽祖洞」前左右兩個蕈狀石態上秭（ㄐㄧㄝ ˊ）ㄟ海棚。第三段也就是俗稱的「野柳龜頭山」（龜頭岬）。
野柳社上百戶人家百分之九十九攏靠海生活。日本仔走了後國軍進駐土地公山頂，算是才有外人來入住。但對純樸漁村生活現象並沒有啥改變，漁民仝款自農曆三四月開始進入漁訊討海期要到舊（農）曆十月份東北季風起才煞海。這種討掠半年海休睏半年的生活方式攏無改變過。生活雖是艱苦卻也其樂融融安分守己、相安無事。除了駐軍以外也?少外人進入干擾，外頭發生ㄟ大小項代誌干那親像佮村內無外大ㄟ關係佮影響。
佇民國四十年進前，野柳港海法是用手搆啊木殼舢舨漁船三船十二人一組的船組，用集魚燈火仔網掠近岸ㄟ小海魚仔佮鎖卷仔（烏賊）。每年農曆三四月上海冬起到十月半煞海止。會使講討半年海吃半年！拄著好海冬要閣好，若拄著歹海冬，欲過日就比較卡艱苦矣。還閣好ㄟ是有一隻萬年老龜精鬥（ㄉㄠˋ）相（ㄒㄧㄚˊ）共（ㄍㄤˊ），若佇每年ㄟ四、五、六月龜頭四边海域海底（海床上）都旺發三種石花菜，一級ㄟ是大本石花（日本石花菜）；二級鳳尾粍（ㄇㄣ˙）（安曼斯）；三級細本石花（細枝翼枝菜）。
村民挽轉來曬乾可以賣來換銀票。到了每年農曆八、九、十月整個龜頭周边海岸頂或者是海石礁（ㄉㄚ）仔頂都會旺發幾落種海菜。較有經濟價値，價格較悬（ㄍㄨㄢˇ）ㄟ有頭毛菜（髮菜）佮紫菜。佇彼个年代野柳岬區岸頂岸下各種藻門ㄟ海藻不下二三十種。可供食用的紅藻類就有八、九種。
農曆十一月到明年三月是海生休生養息期。等十一月紫菜期過後海棚礁裙、潮間帶礁仔骿、海石頂就會換上一片綠油油屬綠藻門的石蓴綠藻類，有的會使（ㄙㄞ）食。新景觀給入冬了天氣漸寒帶來了欣欣向榮的新氣象，這種變裝秀年年重演。要一直到新年過了後，冬天ㄟ日頭會佮礁棚表上墨綠色的植被曝作褐烏色了後捲起褪皮，然後全部脫落，閣曝過一段時間了後，等東北季風漸強，海湧不時潑起哩礁棚ㄟ表面佮海石表面。大約到了春尾，經過海水不斷浸潤之後，海水會當潑著ㄟ所在就會重新生出薄薄一層深咖啡色濕滑的植被，伊就會開始藴育出秋天開始生湠出藻類佮海菜的生長。而且佇彼个時陣龜岬區ㄟ海岸下海生物亦慢慢活躍起來，等到四、五月岬區岸頂岸下就會全然恢復了繁榮生機。同時魚訊來臨啟動討海的工課！我亦開始遊走岬區要釣魚掠蠏掠蟳佮摸螺之樂。……#博客思出版社