好書試閱

恬靜的戰爭

79折特價276元
第一章 蓋棺論定

向望予愛是上尾的幻覺;放下,你就自由矣。──愛特伍(小說家)
死亡 毋捌要求眾人放空一工予伊。──貝克特(劇作家)

心臟無咧惝矣,氣息仔捨肉體去,伊死矣。
若準你從來毋捌伊,一定看袂出伊這世人做過啥物代誌,譬論講媠、䆀名聲結規毬抑是無啥貨值得人提起。
數學的角度來看,生死無機率。生是1,死是0,性命唯一會使確定的結局就是死亡。干焦死亡是真正的,便若世間人攏無法度避免。
現此時,伊倒佇一具租來的,頂懸安通光玻璃蓋的冷凍板仔內。伊已經袂當為家己辯護,是死亡世界的一部分,徛佇一个咱人未知的世界。
新婦感覺無比止的同情,大家無法度閣再攑指揮骨仔拍派矣。伊認為快樂的代誌,伊做的歹代誌留落來的病尾,這馬攏佮伊無關係矣。所有伊做過的一切,敢若一波海湧留落來的海波,搧著海坪頂遐的無法度予跤袂沐澹的人。
徙靈告別儀式聽候佇頭前,閣再無偌久,伊佇火化場成做一堆白骨,是伊留佇這个世界唯一的事實。
看伊在生的時,雖罔毋是逐頓山珍海味、穿的逐軀綾羅紡絲,嘛無食甲一箍肥朒朒,總是愛展伊食的、穿的、用的攏是高級貨,時到嘛是燒到規个賰一堆骨。偌聳勢,偌攏權,告別式結束彼一工,骨灰送去參先走的翁婿囥仝所在,五个後生並無遵照殯儀館頭家建議,決定無愛按照傳統禮數予一个在生直直對新婦吩咐「祖先一定愛拜」的阿母閣再轉來伊熟悉的厝徛一冬,才敆入去歷代祖先牌位。
天貓霧仔光矣。
死者的後生、新婦、孫仔等排四序,禮儀師徛好勢,儀式起鼓。
論輩無論歲,一个紲一个輪流行向壽板,見死者最後一面,上尾手的相辭。禮儀師手提紅色訃音報出徛咧身屍邊的人的名字佮身分,伊就遵照禮儀師的指示回答。煞尾逐家做伙踅壽板一輾。
坐佇告別式靈堂邊仔角的樂團奏哀樂。禮儀師遵守傳統儀式,照起工來。新婦向瞌目的大家三扣頭,目屎四淋垂。
載壽板的車輪仔徙振動,死者離開伊號令新婦的城堡。查某人的相偃煞鼓,大家新婦恬靜戰爭煞戲。
雄雄一看,世界仝款照常咧紡,無啥物改變,毋過有人知影,佮昨昏以前的世界,有小可仔無仝矣。看著雙人身軀頂的傷佮身軀頂的疼,明白對方的傷參疼嘛是家己的傷參疼。
陰陽隔開,傷害攏是逆境菩薩,所有的恩怨成做一綹煙霧。
金石堂門市 全家便利商店 萊爾富便利商店 7-11便利商店
World wide
活動ing