鳥的方向：黃鈺婷台語詩集（附全書朗讀QR code）
活動訊息
理性與感性【限量花飾書口彩畫╳立體皺褶絹布裝幀╳燙金精裝靜奢版】
【鋼鐵德魯伊宇宙新系列】《墨水與符印1 詛咒與祝福》延伸書展75折起
10/15前《貓時參拜》延伸書展3書75折
2026年9月金石堂強力推薦
那些散落在人間的答案
曉星：2026本屋大賞入圍作！湊佳苗自認最喜歡的一部作品！
內容簡介
●臺灣文學獎台語文學創作新詩首獎得主 頭一本台語詩集
【風咧吹，心猶未恬靜，鳥仔猶咧走揣，𪜶的方向⋯⋯】
這是一本記錄歷史佮體制、當代佮環境、地方和個人的台語詩集，嘛是詩人黃鈺婷（小鴨）參與社會運動的文學見證，一本寫予臺灣土地的情批。
伊用上溫柔的母語，講上沉重的傷痕，以詩為刀，將生份的故事刻作熟似的苦難本質。若是讀著會疼，可能是因為磕著時代佮個人拍結留落來的空喙；若是你讀著感覺安慰，無定著是臺灣人的熱情佮韌命來倚身。
詩集分做四个部分：
第一輯討論的是以早的議題，譬論反核、原民傳統領域佮白色恐怖，有的已經告一段落，有的需要重新注目，核心問題攏是個人、族群受著國家／政權的壓迫。
第二輯收錄的是當代發生、抑者是重新受著重視的議題：工業區、風機、國安、社交媒體、偏鄉、塑膠微粒、廢棄物、鐵枝高架化、露營區破壞、農地工場、MeToo、移工等等。資本社會生活型態改變，遮的議題更加歹處理，人佮人、人佮環境互相搶奪資源，身在結構當中，無才調離開，也無法度歸因予孤一个理由。
第三輯是地方的故事，寫著七股、大林蒲、苑裡、麥寮、旗山、嘉義大溪厝、苗栗造橋龍昇村。有的受著工業區、廢棄物的汙染，有的是時代的變遷，佇家己的所在，人的意志有起有落，結局猶未寫完。
第四輯是人心的風波，大部分是用短詩來速寫，作者看著新聞的觀察佮心情，人性種種小惡造成的現象。
〔本冊出版得著「國藝會創作佮出版補助」〕
【風咧吹，心猶未恬靜，鳥仔猶咧走揣，𪜶的方向⋯⋯】
這是一本記錄歷史佮體制、當代佮環境、地方和個人的台語詩集，嘛是詩人黃鈺婷（小鴨）參與社會運動的文學見證，一本寫予臺灣土地的情批。
伊用上溫柔的母語，講上沉重的傷痕，以詩為刀，將生份的故事刻作熟似的苦難本質。若是讀著會疼，可能是因為磕著時代佮個人拍結留落來的空喙；若是你讀著感覺安慰，無定著是臺灣人的熱情佮韌命來倚身。
詩集分做四个部分：
第一輯討論的是以早的議題，譬論反核、原民傳統領域佮白色恐怖，有的已經告一段落，有的需要重新注目，核心問題攏是個人、族群受著國家／政權的壓迫。
第二輯收錄的是當代發生、抑者是重新受著重視的議題：工業區、風機、國安、社交媒體、偏鄉、塑膠微粒、廢棄物、鐵枝高架化、露營區破壞、農地工場、MeToo、移工等等。資本社會生活型態改變，遮的議題更加歹處理，人佮人、人佮環境互相搶奪資源，身在結構當中，無才調離開，也無法度歸因予孤一个理由。
第三輯是地方的故事，寫著七股、大林蒲、苑裡、麥寮、旗山、嘉義大溪厝、苗栗造橋龍昇村。有的受著工業區、廢棄物的汙染，有的是時代的變遷，佇家己的所在，人的意志有起有落，結局猶未寫完。
第四輯是人心的風波，大部分是用短詩來速寫，作者看著新聞的觀察佮心情，人性種種小惡造成的現象。
〔本冊出版得著「國藝會創作佮出版補助」〕
目錄
【輯一｜絕望猶未出世】
另外一个可能
光的旅行——記661666陳澄波小行星
石頭的空喙
徙岫——記錄亞洲水泥新城山礦場
跋桮——寫予反核媽祖
紅鞋仔的舞步
刺字——寫予樂生
跤底的塗沙——紀念2013廢核行跤環島行動
【輯二｜希望猶未入土】
學咱的話
鳥的方向
志工日誌
大水浮城
目睭——寫予偷走的人
交換
補空
紙的災厄——獻予我的查某朋友
證詞以外
敢會天光2019
真理攑話
霧泡
長途暝車
換衫
【輯三｜庄頭猶未散】
風咧吹
橐袋仔的夢
七股的熱天陷眠
造山運動
鄉土風景光批
都市浮冇光批
路尾
水的跤跡——獻予大溪厝
落雨的滋味
苑裡的五月
佮風車遏手把
彼一日
躘懸的鐵枝路
車頭
【輯四｜心猶未恬靜】
目鏡
花園
開會
夢的隊伍
政客文法說明
毒蘋果
恬喌喌
虎姑婆
徛對頭
柴角仔
山瑞香
【後錄】
另外一个可能
光的旅行——記661666陳澄波小行星
石頭的空喙
徙岫——記錄亞洲水泥新城山礦場
跋桮——寫予反核媽祖
紅鞋仔的舞步
刺字——寫予樂生
跤底的塗沙——紀念2013廢核行跤環島行動
【輯二｜希望猶未入土】
學咱的話
鳥的方向
志工日誌
大水浮城
目睭——寫予偷走的人
交換
補空
紙的災厄——獻予我的查某朋友
證詞以外
敢會天光2019
真理攑話
霧泡
長途暝車
換衫
【輯三｜庄頭猶未散】
風咧吹
橐袋仔的夢
七股的熱天陷眠
造山運動
鄉土風景光批
都市浮冇光批
路尾
水的跤跡——獻予大溪厝
落雨的滋味
苑裡的五月
佮風車遏手把
彼一日
躘懸的鐵枝路
車頭
【輯四｜心猶未恬靜】
目鏡
花園
開會
夢的隊伍
政客文法說明
毒蘋果
恬喌喌
虎姑婆
徛對頭
柴角仔
山瑞香
【後錄】
序／導讀
作者序
▎後錄
０
一本出版品愛感謝的人誠濟，感謝阿元佮厝內人的陪伴、鄭順聰老師的牽抾、國藝會鬥支持，多謝王昭華老師和我做伙一字一字斟酌，嘛感謝好朋友楊芳嬋、黃淑姿、楊智傑佮編輯Amber的幫助。
感謝已經做仙的顧德莎顧二姊，閣有永遠佇我心肝底的貓仔茼蒿先生。
１
地球有一个所在，離陸地上遠、上歹行跤到，人共號做「拈魔點」（Point Nemo，華語是「尼莫點」），正式的名稱是「海洋難抵極」（oceanic pole of inaccessibility）。伊佇南太平洋的中央，你若是對這个海域欲去到上近的小島，至少愛划兩千八百公里才會到位，閣無一定揣會著人類，所致予人講是世界上孤獨、上窵遠的所在。毋過，你若有翼股會當飛，差不多四百公里就有可能拄著國際太空站，差不多是對臺灣頭飛到臺灣尾的路程爾爾。當當你拍拚擛翼，你無定著會看著人工的落屎星，天邊畫巡，一个一个，輾落去彼个「拈魔點」，因為伊是太空墓地，無人行跤到就較無要緊，歹去的、篩掉的、到期的衛星佮太空船，攏送入去這个無人的墓地。
伊是一切的終點站。
我有時感覺家己佇咧彼个拈魔點，四箍圍仔一个人都無，浮浮沉沉，毋管是母語抑是議題，按怎划船都划袂到位。我換共創作的翼股插咧，飛向日頭，蠟紙並無熔去，毋過我記錄的時代，已經開始墜做流星矣。
時代當咧換布景，跤步緊甲逐家強欲綴袂著，無變化的是，受壓迫的人佮土地猶原受壓迫，眾人的眼神總是跟綴慾望，咱猶是咧問家己是啥人。
總有一工，拈魔點的深海，會累積一層閣一層，和追求發展追求自我有關係的故事，毋知彼時敢有人閣想欲理解無。
２
咖啡廳嗤嗤呲呲，逐桌攏有誠濟話通講。我坐佇壁角，電腦強欲予我繩甲戮空，猶是一片白蔥蔥。
「有啥物話欲辯解的？」頭殼內的法官開喙。
「我煩惱家己是毋是咧利用、消遣遮的議題。」袂輸新婦仔的我細細聲仔。
「這是創作，敢毋是？」律師佇邊仔鬥相共。
「我嘛煩惱家己寫了無夠媠，顛倒予議題失去光彩。」我的自信愈纏愈細粒。
「這是你的人生，你的觀點，敢毋是？」律師並無放棄。
「無請你講看覓，代誌是按怎開始的？」法官擋袂牢來牽抾阮的方向。
欲按佗講起才好？彼場轉來故鄉講台語的環境教育演講，抑是二姊上尾上車的背影？或者是，算袂齊透有偌濟暗暝，因為各種消息，心肝頭凝甲袂睏得，無寫出來袂使，無行出來行動袂使。閣有偌濟改四界走傱、無閒tshih-tshah，轉來到厝，啥物都寫袂出來。
也有失去十八冬的陪伴，無貓仔佇咧身軀邊的時陣，無才調寫，也險仔無法度正常生活的日子。
到底，這本詩集是按怎開始，為著啥物開始的？
「就我無細膩徛佇彼个位置，看袂得過，就按呢開始寫／戰鬥矣！」欲自頭講起，不如共我這个人囥佇歷史地理的經緯線內底，一切就解說會通矣！
３
這世人上緊張的一場演講，是二空一空年年尾對臺北轉去故鄉，宣傳反國光石化運動。彼時我佇荒野保護協會做志工，反國光石化、保護白海豬炒甲熱怫怫，捷捷咧開會，一改會議當中，主席拜託逐家攏愛四界揣機會去宣傳，我應好。煞梧知欲按怎收紲，志工朋友建議我轉去嘉義演講，我ti-ti-tu̍h-tu̍h毋敢一下答應，離鄉傷久，這號要求使人驚惶。想規半晡，確實有需要，確實有機會完成，若是按呢，確實是徛佇咧彼時彼搭的我愛去做的代誌。
我提出十二萬分的勇氣，拜託爸母替我邀請親情朋友，來聽我分享國光石化對環境的影響，查某囝奇怪的請求竟然得著同意，我誠好運，有阿舅替我揣場地，有阿伯送花籃，閣有阿姨叫是我結婚欲送我禮物。我緊張甲袂食袂睏，蹛臺北台語拍毋見幾若冬，是欲按怎用台語紹介環境議題，而且對象閣是看我大漢的序大，逐工攏是目屎流目屎滴，那煩惱那練習。
徛佇台頂猶未開始，手共mài-kù捏甲出汁，台跤齊齊是熟識的親情序大，佳哉落尾有順利結束。我知影我誠好運徛這个位置，就有這个所在愛負擔的重量，我想欲替無法度講話、無人注意的性命出聲，畢竟，我看著矣。
看著就毋甘，毋甘就行動。
毋知影是臺灣人普遍的個性，抑是我這號人（長女病）的性情，重感情、欠自信、無人做就家己塌落去做。一改閣一改的行動，反核、古蹟保存、鐵路立體化、MeToo、大罷免，毋是啥物重要角色，只是徛佇佗就去做彼號工課。
這時，我徛佇母語佮社會運動的拈魔點。
敢是孤遠的創作起點，敢是起飛落地的文明總站。
未來無底參考，我越頭看臺灣人的跤跡，攏總是合該然徛起的不平。親像苦難佮熱情相依倚遐自然，對生的熱情帶來死的苦楚，嘛佇苦難當中感受對性命的熱愛。
略略仔安心矣，我只不過是行來到遮，做我應該做的代誌，共臺灣歷史佮土地苦疼交纏的歌詩寫落來。
啊你咧，你佇佗位？
▎後錄
０
一本出版品愛感謝的人誠濟，感謝阿元佮厝內人的陪伴、鄭順聰老師的牽抾、國藝會鬥支持，多謝王昭華老師和我做伙一字一字斟酌，嘛感謝好朋友楊芳嬋、黃淑姿、楊智傑佮編輯Amber的幫助。
感謝已經做仙的顧德莎顧二姊，閣有永遠佇我心肝底的貓仔茼蒿先生。
１
地球有一个所在，離陸地上遠、上歹行跤到，人共號做「拈魔點」（Point Nemo，華語是「尼莫點」），正式的名稱是「海洋難抵極」（oceanic pole of inaccessibility）。伊佇南太平洋的中央，你若是對這个海域欲去到上近的小島，至少愛划兩千八百公里才會到位，閣無一定揣會著人類，所致予人講是世界上孤獨、上窵遠的所在。毋過，你若有翼股會當飛，差不多四百公里就有可能拄著國際太空站，差不多是對臺灣頭飛到臺灣尾的路程爾爾。當當你拍拚擛翼，你無定著會看著人工的落屎星，天邊畫巡，一个一个，輾落去彼个「拈魔點」，因為伊是太空墓地，無人行跤到就較無要緊，歹去的、篩掉的、到期的衛星佮太空船，攏送入去這个無人的墓地。
伊是一切的終點站。
我有時感覺家己佇咧彼个拈魔點，四箍圍仔一个人都無，浮浮沉沉，毋管是母語抑是議題，按怎划船都划袂到位。我換共創作的翼股插咧，飛向日頭，蠟紙並無熔去，毋過我記錄的時代，已經開始墜做流星矣。
時代當咧換布景，跤步緊甲逐家強欲綴袂著，無變化的是，受壓迫的人佮土地猶原受壓迫，眾人的眼神總是跟綴慾望，咱猶是咧問家己是啥人。
總有一工，拈魔點的深海，會累積一層閣一層，和追求發展追求自我有關係的故事，毋知彼時敢有人閣想欲理解無。
２
咖啡廳嗤嗤呲呲，逐桌攏有誠濟話通講。我坐佇壁角，電腦強欲予我繩甲戮空，猶是一片白蔥蔥。
「有啥物話欲辯解的？」頭殼內的法官開喙。
「我煩惱家己是毋是咧利用、消遣遮的議題。」袂輸新婦仔的我細細聲仔。
「這是創作，敢毋是？」律師佇邊仔鬥相共。
「我嘛煩惱家己寫了無夠媠，顛倒予議題失去光彩。」我的自信愈纏愈細粒。
「這是你的人生，你的觀點，敢毋是？」律師並無放棄。
「無請你講看覓，代誌是按怎開始的？」法官擋袂牢來牽抾阮的方向。
欲按佗講起才好？彼場轉來故鄉講台語的環境教育演講，抑是二姊上尾上車的背影？或者是，算袂齊透有偌濟暗暝，因為各種消息，心肝頭凝甲袂睏得，無寫出來袂使，無行出來行動袂使。閣有偌濟改四界走傱、無閒tshih-tshah，轉來到厝，啥物都寫袂出來。
也有失去十八冬的陪伴，無貓仔佇咧身軀邊的時陣，無才調寫，也險仔無法度正常生活的日子。
到底，這本詩集是按怎開始，為著啥物開始的？
「就我無細膩徛佇彼个位置，看袂得過，就按呢開始寫／戰鬥矣！」欲自頭講起，不如共我這个人囥佇歷史地理的經緯線內底，一切就解說會通矣！
３
這世人上緊張的一場演講，是二空一空年年尾對臺北轉去故鄉，宣傳反國光石化運動。彼時我佇荒野保護協會做志工，反國光石化、保護白海豬炒甲熱怫怫，捷捷咧開會，一改會議當中，主席拜託逐家攏愛四界揣機會去宣傳，我應好。煞梧知欲按怎收紲，志工朋友建議我轉去嘉義演講，我ti-ti-tu̍h-tu̍h毋敢一下答應，離鄉傷久，這號要求使人驚惶。想規半晡，確實有需要，確實有機會完成，若是按呢，確實是徛佇咧彼時彼搭的我愛去做的代誌。
我提出十二萬分的勇氣，拜託爸母替我邀請親情朋友，來聽我分享國光石化對環境的影響，查某囝奇怪的請求竟然得著同意，我誠好運，有阿舅替我揣場地，有阿伯送花籃，閣有阿姨叫是我結婚欲送我禮物。我緊張甲袂食袂睏，蹛臺北台語拍毋見幾若冬，是欲按怎用台語紹介環境議題，而且對象閣是看我大漢的序大，逐工攏是目屎流目屎滴，那煩惱那練習。
徛佇台頂猶未開始，手共mài-kù捏甲出汁，台跤齊齊是熟識的親情序大，佳哉落尾有順利結束。我知影我誠好運徛這个位置，就有這个所在愛負擔的重量，我想欲替無法度講話、無人注意的性命出聲，畢竟，我看著矣。
看著就毋甘，毋甘就行動。
毋知影是臺灣人普遍的個性，抑是我這號人（長女病）的性情，重感情、欠自信、無人做就家己塌落去做。一改閣一改的行動，反核、古蹟保存、鐵路立體化、MeToo、大罷免，毋是啥物重要角色，只是徛佇佗就去做彼號工課。
這時，我徛佇母語佮社會運動的拈魔點。
敢是孤遠的創作起點，敢是起飛落地的文明總站。
未來無底參考，我越頭看臺灣人的跤跡，攏總是合該然徛起的不平。親像苦難佮熱情相依倚遐自然，對生的熱情帶來死的苦楚，嘛佇苦難當中感受對性命的熱愛。
略略仔安心矣，我只不過是行來到遮，做我應該做的代誌，共臺灣歷史佮土地苦疼交纏的歌詩寫落來。
啊你咧，你佇佗位？
試閱
▎大水浮城
想欲寫一張批予你 佇大水來到跤兜的時
頭起先 日頭毋知予啥人延延 無照起工行
雨水無站無節 所在愈占愈闊
門埕、戶橂、椅桌、樓梯、眠床 一寸一目𥍉
等我想著寫批 世界已經是𪜶的矣
若是你佇遮 我敢會和你佇大水內底相攬
抑是我會選擇一个——手伸出去就搝會著的人
攬伊敢會相仝
我無定著會和伊沉落去 做水底的考古學家
一格閣一格探坑 咱的舊生活
彼時 咱猶咧諍 律師佮作穡人啥人秤起來較重
煞無注意語言對雙爿門窗
沿路摔入去酒矸仔內 做標本的惡夢
寫過的字紙綴大水浮沉
白賊佮希望攏予水揬破
這時 你會佮我講啥
欲早知 抑是勇敢留佇遮
若是你佇 世界拄欲歪斜的彼搭
你會開始搬徙 抑是鬥扞
敢會創造出另外一个平行宇宙
咱佇遐 日花仔無的確浮佇你的面容仔
我毋免寫批
大水袂閣浮城？
遠兜厝尾頂有人擛手 分食物仔
害我想著感情佮理想崇拜的期限
有時 是一塊俗麭歹去彼工
落尾我欲寫
運命若是註定 拍拚的道理是啥
既然肉身終點攏相𫝛
若毋驚 一切就無啥物可怕
大水做對頭
嘛會使好好仔欣賞 拍拚過的風景浮起來的夢
順紲 食一塊麭
＊寫給理念或價值觀不同的家人情人朋友，在〈我愛黑眼珠〉的場景裡，我們終會找到一切行動的理由。
▎紙的災厄：獻予我的查某朋友
歹勢 我閃無過
衝面挵過來的運命
成做一張紙
我毋知影欲按怎共家己 變甲較輕較薄
每一工 精神了後就拍拚練習
欲按怎才閃會過
一針一句的剾洗
愛啥物款的姿勢
才覕會過
眼神內底的刀鋩
颺風的時 愛細膩
傷奢颺的風會掛石頭
共我掔破
注意 一張紙袂使凊彩踏差
每一暗 攏想欲共家己展予平
有時陣嘛想欲跳舞
毋過斟酌捲予好
才有好勢的一暝
佇看袂著的烏暗底
總是有siâng
講伊擋袂牢想欲
揬破 一張紙的清白
恁攏希望紙會使閣較輕 閣較薄
如此
就會使走閃損蕩的運命
這命 毋知是啥人的
畢竟
成做一張紙
就是阮 上大的災厄
想欲寫一張批予你 佇大水來到跤兜的時
頭起先 日頭毋知予啥人延延 無照起工行
雨水無站無節 所在愈占愈闊
門埕、戶橂、椅桌、樓梯、眠床 一寸一目𥍉
等我想著寫批 世界已經是𪜶的矣
若是你佇遮 我敢會和你佇大水內底相攬
抑是我會選擇一个——手伸出去就搝會著的人
攬伊敢會相仝
我無定著會和伊沉落去 做水底的考古學家
一格閣一格探坑 咱的舊生活
彼時 咱猶咧諍 律師佮作穡人啥人秤起來較重
煞無注意語言對雙爿門窗
沿路摔入去酒矸仔內 做標本的惡夢
寫過的字紙綴大水浮沉
白賊佮希望攏予水揬破
這時 你會佮我講啥
欲早知 抑是勇敢留佇遮
若是你佇 世界拄欲歪斜的彼搭
你會開始搬徙 抑是鬥扞
敢會創造出另外一个平行宇宙
咱佇遐 日花仔無的確浮佇你的面容仔
我毋免寫批
大水袂閣浮城？
遠兜厝尾頂有人擛手 分食物仔
害我想著感情佮理想崇拜的期限
有時 是一塊俗麭歹去彼工
落尾我欲寫
運命若是註定 拍拚的道理是啥
既然肉身終點攏相𫝛
若毋驚 一切就無啥物可怕
大水做對頭
嘛會使好好仔欣賞 拍拚過的風景浮起來的夢
順紲 食一塊麭
＊寫給理念或價值觀不同的家人情人朋友，在〈我愛黑眼珠〉的場景裡，我們終會找到一切行動的理由。
▎紙的災厄：獻予我的查某朋友
歹勢 我閃無過
衝面挵過來的運命
成做一張紙
我毋知影欲按怎共家己 變甲較輕較薄
每一工 精神了後就拍拚練習
欲按怎才閃會過
一針一句的剾洗
愛啥物款的姿勢
才覕會過
眼神內底的刀鋩
颺風的時 愛細膩
傷奢颺的風會掛石頭
共我掔破
注意 一張紙袂使凊彩踏差
每一暗 攏想欲共家己展予平
有時陣嘛想欲跳舞
毋過斟酌捲予好
才有好勢的一暝
佇看袂著的烏暗底
總是有siâng
講伊擋袂牢想欲
揬破 一張紙的清白
恁攏希望紙會使閣較輕 閣較薄
如此
就會使走閃損蕩的運命
這命 毋知是啥人的
畢竟
成做一張紙
就是阮 上大的災厄
配送方式
-
台灣
- 國內宅配：本島、離島
-
到店取貨：
不限金額免運費
-
海外
- 國際快遞：全球
-
港澳店取：
訂購/退換貨須知
加入金石堂 LINE 官方帳號『完成綁定』，隨時掌握出貨動態：
提醒您！！
金石堂及銀行均不會請您操作ATM! 如接獲電話要求您前往ATM提款機，請不要聽從指示，以免受騙上當！
退換貨須知：
**提醒您，鑑賞期不等於試用期，退回商品須為全新狀態**
-
依據「消費者保護法」第19條及行政院消費者保護處公告之「通訊交易解除權合理例外情事適用準則」，以下商品購買後，除商品本身有瑕疵外，將不提供7天的猶豫期：
- 易於腐敗、保存期限較短或解約時即將逾期。（如：生鮮食品）
- 依消費者要求所為之客製化給付。（客製化商品）
- 報紙、期刊或雜誌。（含MOOK、外文雜誌）
- 經消費者拆封之影音商品或電腦軟體。
- 非以有形媒介提供之數位內容或一經提供即為完成之線上服務，經消費者事先同意始提供。（如：電子書、電子雜誌、下載版軟體、虛擬商品…等）
- 已拆封之個人衛生用品。（如：內衣褲、刮鬍刀、除毛刀…等）
- 若非上列種類商品，均享有到貨7天的猶豫期（含例假日）。
- 辦理退換貨時，商品（組合商品恕無法接受單獨退貨）必須是您收到商品時的原始狀態（包含商品本體、配件、贈品、保證書、所有附隨資料文件及原廠內外包裝…等），請勿直接使用原廠包裝寄送，或於原廠包裝上黏貼紙張或書寫文字。
- 退回商品若無法回復原狀，將請您負擔回復原狀所需費用，嚴重時將影響您的退貨權益。
商品評價