〈回應問題：啥物是啟蒙〉
Immanuel Kant 伊曼努爾．康德╱著
劉盈成╱台文翻譯
啟蒙，就是咱人脫離家己所致到的未成年狀態。未成年，就是若無別人來牽教，家己的理解能力就無才調運用。未成年毋是因為欠缺理解能力，是因為若無別人來牽教，就欠缺決心佮勇氣來運用理解能力，按呢來講，未成年就是人家己所致到的。「放膽3 來認捌！」（Sapere Aude!）勇敢來運用你家己的理解能力！— 這就是啟蒙的金言。
貧惰佮懦性所致，有真大一部分的人，就算自然早早就共敨放出來，毋免別人來牽教（naturaliter maiorennes，就是天生自然來長大），煞猶原歡喜甘願一世人保持未成年。閣為著仝這个原因，別人凊彩就有通徛出來做𪜶的監護者。未成年狀態，是有夠輕鬆自在呢。
我若有一本書通準做我家己所捌的事理，有精神導師通準做我家己的良心，閣有醫生來替我決定養生的食食，種種親像這款的，我就根本毋免家己費氣出力矣。我毋免去用頭殼，干焦提錢來買就好；齷齪的工課， 有別人替我做便便。眾人大部分（包括所有的女性）攏感覺，想欲達致成年毋但是艱難，閣不止仔危險。這點彼寡監護者有智覺，就好心好意，家己擔任務來去監督這寡人。監護者頭一步，就是共𪜶的精牲教予頇顢；閣來是細膩持防，予這寡溫純的動物若無監
護者用蟧蜈車共拘束，就hām一步都毋敢踏出去。紲來監護者就講予𪜶知，𪜶若是想欲家己行，就會搪著兇險。
正經講，這危險其實無遐爾嚴重，𪜶都跋倒幾擺了後，到尾仔就學會曉行路矣。毋過看著這款的一个實例，人就會勼轉去，常在驚甲毋敢閣進一步試看覓。
就是按呢，無論佗一个個體來講，欲家己對未成年解脫出去是真困難，未成年都強欲成做伊的天性矣。伊甚至漸漸有佮意這个狀態，而且現此時來講，伊有影無才調運用家己的理解能力，因為從到今都毋捌有人予伊來試用一下。行為規則佮標準儀式，這款機械式的工具，對伊自然的賦性咧做理性的運用、或者應該講是誤用，有這號跤鐐手銬，伊就一世人攏未成年。無論有啥人共跤鐐手銬抨去邊仔，準講欲揀上狹的溝仔來跳過，猶原踏袂在，因為這款自由的行動伊都袂慣勢。結果，有成功的人是真少。𪜶家己有精神修養，才有通對未成年脫身出來，跤步閣踏著有信心。
Immanuel Kant 伊曼努爾．康德╱著
劉盈成╱台文翻譯
啟蒙，就是咱人脫離家己所致到的未成年狀態。未成年，就是若無別人來牽教，家己的理解能力就無才調運用。未成年毋是因為欠缺理解能力，是因為若無別人來牽教，就欠缺決心佮勇氣來運用理解能力，按呢來講，未成年就是人家己所致到的。「放膽3 來認捌！」（Sapere Aude!）勇敢來運用你家己的理解能力！— 這就是啟蒙的金言。
貧惰佮懦性所致，有真大一部分的人，就算自然早早就共敨放出來，毋免別人來牽教（naturaliter maiorennes，就是天生自然來長大），煞猶原歡喜甘願一世人保持未成年。閣為著仝這个原因，別人凊彩就有通徛出來做𪜶的監護者。未成年狀態，是有夠輕鬆自在呢。
我若有一本書通準做我家己所捌的事理，有精神導師通準做我家己的良心，閣有醫生來替我決定養生的食食，種種親像這款的，我就根本毋免家己費氣出力矣。我毋免去用頭殼，干焦提錢來買就好；齷齪的工課， 有別人替我做便便。眾人大部分（包括所有的女性）攏感覺，想欲達致成年毋但是艱難，閣不止仔危險。這點彼寡監護者有智覺，就好心好意，家己擔任務來去監督這寡人。監護者頭一步，就是共𪜶的精牲教予頇顢；閣來是細膩持防，予這寡溫純的動物若無監
護者用蟧蜈車共拘束，就hām一步都毋敢踏出去。紲來監護者就講予𪜶知，𪜶若是想欲家己行，就會搪著兇險。
正經講，這危險其實無遐爾嚴重，𪜶都跋倒幾擺了後，到尾仔就學會曉行路矣。毋過看著這款的一个實例，人就會勼轉去，常在驚甲毋敢閣進一步試看覓。
就是按呢，無論佗一个個體來講，欲家己對未成年解脫出去是真困難，未成年都強欲成做伊的天性矣。伊甚至漸漸有佮意這个狀態，而且現此時來講，伊有影無才調運用家己的理解能力，因為從到今都毋捌有人予伊來試用一下。行為規則佮標準儀式，這款機械式的工具，對伊自然的賦性咧做理性的運用、或者應該講是誤用，有這號跤鐐手銬，伊就一世人攏未成年。無論有啥人共跤鐐手銬抨去邊仔，準講欲揀上狹的溝仔來跳過，猶原踏袂在，因為這款自由的行動伊都袂慣勢。結果，有成功的人是真少。𪜶家己有精神修養，才有通對未成年脫身出來，跤步閣踏著有信心。
