故事tshiò袂煞
—嚴詠能的台灣歌筆記
嚴詠能，1970年佇台南縣新化鎮出世。往過，是打狗亂歌團團長，捌予人號做「愛河國民歌手」。
伊長期佇高雄徛居，各地庄跤四界去，tshiò歌予鄉親序大聽。伊褪赤跤，用上蓋跤踏實地的樣相（iōnn-siònn），參這塊土地盤撋。
這幾冬，伊不止仔拚勢咧推捒恆春民謠，來恆春宛然咧行灶跤。
五十歲佇舞台頂離世，伊的故事tshiò袂煞。
真濟人毋捌聽過伊的名，閣較毋捌聽過伊的歌。
這篇文，欲參逐家分享嚴詠能親手作詞、譜曲的五首歌，表露對這位飄撇歌手的敬意。
〈茉莉花的熱天〉、〈店仔口的青春歌〉、〈田中央傳來加油聲〉、〈火金蛄相對看〉、〈月光掖佇東門城〉，這五首歌的主題分別是愛情、鄉情、運動、生態、文化，題材嶄然仔開闊。In共同的關鍵詞號做「土地」，是嚴詠能跤踏實地心心念念的每一角勢。
咱代先來讀〈茉莉花的熱天〉歌詞：
〈茉莉花的熱天〉
你時常激氣（khuì） 怪我刁（thiau）工對你來創治
予你用粉筆 將咱之間劃分開
佇彼个猶閣毋知 啥物是佮意的日子
你歡歡喜喜 追著我追著這條溪水
追著紅田嬰（inn） 追到日頭走去覕（bih）
遐濟年 猶閣會想起 你頭頂的茉莉（bak-nī） 伴著你純真的年紀
彼一年 我無放袂（bē）記
你微微仔笑 佇彼年熱天
我掩（ng）著目睭 輕輕柔柔想你的喘氣聲
煞聽著流星 劃過帶來的歌聲
我順著溪水 石頭的縫節奏予你tshuā
六月的茉莉 伴風來唱（tshiò）歌
短短仔百外字的歌詞，鋪排「愛情」的故事。畫面裡小衝突摻濫囡仔人的意愛，逐溪水、逐田嬰、逐到日頭走去覕，窮實是咧逐若有若無的「愛情」。這款愛情，有夠純真。因由純真，成做規世人數念的記持。目睭掩起來，毋但會當聽著愛人仔的喘氣聲，連遠在天邊的流星飛過都有法度聽出自然的歌聲，這愛偌爾「純真」的心tsiah有才調感受咧。流過石頭縫的溪水、六月花當媠的茉莉，常在伴風tshiò歌予有情的人聽。
嚴詠能的確是天真的人，伊的心tsiah會遮爾仔單純。
單純的心，毋但寫出〈茉莉花的熱天〉裡的愛情，閣進一步寫出〈店仔口的青春歌〉裡的鄉情。
〈店仔口的青春歌〉
彼一暝（mî） 我又閣轉來遮
綴著月娘的跤步 踏入遮的溫度
亭仔跤彼葩電火噗（phok）仔催著我
店仔口的lajioh 數（siàu）念的歌
予流浪的囡仔 想欲轉來予你看
一圈（khian）腹肚 牽著兩个猴囡仔
予我強欲袂（bē）記你是 我上好的囡仔伴
煙腸（tshiân）擔的炭火猶原遐爾大
這馬（tsit-má）換in大漢的後生佇遐扞（huānn）
In兩个老的 踮佇厝罔騙孫仔
店仔口的青春歌 故事唱（tshiò）袂煞
清水仔表兄彼支老gí-tah
鋼線生鉎（sian）攏無換
店仔口的青春歌 歲月相替換
較早你安搭阮（gún）佇台跤
這馬換阮唱予你聽
彼一暝 我又閣轉來遮
看著阿爸tshuā親情（tsiânn） 鬥陣來喝聲
阿姊共阮講 這是伊的囡仔
趕緊叫阿舅 大漢教咱唸歌
咱嘛欲佇故鄉 予人拍噗仔
店仔口的青春歌 故事唱袂煞
來來去去的老戲班 故事紲落去寫
店仔口的青春歌 歲月相替換
較早你安搭阮佇台跤
這馬換阮唱予你聽
這條歌我為你唸到遮
無棄嫌就拍噗仔
嚴詠能出世欲來tshiò歌。伊對廟埕tshiò到店仔口，對煙腸（tshiân）擔tshiò到戲棚跤，有時陣嘛會對島內tshiò來佇海外。伊自少年四界流浪。不而過，伊的流浪毋是無聲無說的浪溜嗹， 是一款有頭有尾的飄撇行動。伊慣勢留長頭鬃。對袂少毋敢留抑是毋捌留的查埔囡仔來講，欣羨濟過怨妒。無論行到佗一角勢， 彼个地頭就是伊的舞台。伊接收過的噗仔聲，大概thìng好對田岸迵過厝瓦。伊第一要意的噗仔聲，當該然來自故鄉的親人，特別是伊的爸母彼雙作穡粗耙耙的手蹄仔。所致，伊歡喜阿爸tshuā親情（tsiânn）來鬥喝聲，閣較歡喜教阿姊的囡仔唸歌。
對嚴詠能來講，tshiò歌是上蓋讚的運動。
伊大概無咧走標，毋過有幾若冬成做「田中馬拉松」的代言人。伊足誠意，踏入田中每一角勢，參在地鄉親鬥陣tshiò主題歌。
〈田中央傳來加油聲〉那聽那快活。
—嚴詠能的台灣歌筆記
嚴詠能，1970年佇台南縣新化鎮出世。往過，是打狗亂歌團團長，捌予人號做「愛河國民歌手」。
伊長期佇高雄徛居，各地庄跤四界去，tshiò歌予鄉親序大聽。伊褪赤跤，用上蓋跤踏實地的樣相（iōnn-siònn），參這塊土地盤撋。
這幾冬，伊不止仔拚勢咧推捒恆春民謠，來恆春宛然咧行灶跤。
五十歲佇舞台頂離世，伊的故事tshiò袂煞。
真濟人毋捌聽過伊的名，閣較毋捌聽過伊的歌。
這篇文，欲參逐家分享嚴詠能親手作詞、譜曲的五首歌，表露對這位飄撇歌手的敬意。
〈茉莉花的熱天〉、〈店仔口的青春歌〉、〈田中央傳來加油聲〉、〈火金蛄相對看〉、〈月光掖佇東門城〉，這五首歌的主題分別是愛情、鄉情、運動、生態、文化，題材嶄然仔開闊。In共同的關鍵詞號做「土地」，是嚴詠能跤踏實地心心念念的每一角勢。
咱代先來讀〈茉莉花的熱天〉歌詞：
〈茉莉花的熱天〉
你時常激氣（khuì） 怪我刁（thiau）工對你來創治
予你用粉筆 將咱之間劃分開
佇彼个猶閣毋知 啥物是佮意的日子
你歡歡喜喜 追著我追著這條溪水
追著紅田嬰（inn） 追到日頭走去覕（bih）
遐濟年 猶閣會想起 你頭頂的茉莉（bak-nī） 伴著你純真的年紀
彼一年 我無放袂（bē）記
你微微仔笑 佇彼年熱天
我掩（ng）著目睭 輕輕柔柔想你的喘氣聲
煞聽著流星 劃過帶來的歌聲
我順著溪水 石頭的縫節奏予你tshuā
六月的茉莉 伴風來唱（tshiò）歌
短短仔百外字的歌詞，鋪排「愛情」的故事。畫面裡小衝突摻濫囡仔人的意愛，逐溪水、逐田嬰、逐到日頭走去覕，窮實是咧逐若有若無的「愛情」。這款愛情，有夠純真。因由純真，成做規世人數念的記持。目睭掩起來，毋但會當聽著愛人仔的喘氣聲，連遠在天邊的流星飛過都有法度聽出自然的歌聲，這愛偌爾「純真」的心tsiah有才調感受咧。流過石頭縫的溪水、六月花當媠的茉莉，常在伴風tshiò歌予有情的人聽。
嚴詠能的確是天真的人，伊的心tsiah會遮爾仔單純。
單純的心，毋但寫出〈茉莉花的熱天〉裡的愛情，閣進一步寫出〈店仔口的青春歌〉裡的鄉情。
〈店仔口的青春歌〉
彼一暝（mî） 我又閣轉來遮
綴著月娘的跤步 踏入遮的溫度
亭仔跤彼葩電火噗（phok）仔催著我
店仔口的lajioh 數（siàu）念的歌
予流浪的囡仔 想欲轉來予你看
一圈（khian）腹肚 牽著兩个猴囡仔
予我強欲袂（bē）記你是 我上好的囡仔伴
煙腸（tshiân）擔的炭火猶原遐爾大
這馬（tsit-má）換in大漢的後生佇遐扞（huānn）
In兩个老的 踮佇厝罔騙孫仔
店仔口的青春歌 故事唱（tshiò）袂煞
清水仔表兄彼支老gí-tah
鋼線生鉎（sian）攏無換
店仔口的青春歌 歲月相替換
較早你安搭阮（gún）佇台跤
這馬換阮唱予你聽
彼一暝 我又閣轉來遮
看著阿爸tshuā親情（tsiânn） 鬥陣來喝聲
阿姊共阮講 這是伊的囡仔
趕緊叫阿舅 大漢教咱唸歌
咱嘛欲佇故鄉 予人拍噗仔
店仔口的青春歌 故事唱袂煞
來來去去的老戲班 故事紲落去寫
店仔口的青春歌 歲月相替換
較早你安搭阮佇台跤
這馬換阮唱予你聽
這條歌我為你唸到遮
無棄嫌就拍噗仔
嚴詠能出世欲來tshiò歌。伊對廟埕tshiò到店仔口，對煙腸（tshiân）擔tshiò到戲棚跤，有時陣嘛會對島內tshiò來佇海外。伊自少年四界流浪。不而過，伊的流浪毋是無聲無說的浪溜嗹， 是一款有頭有尾的飄撇行動。伊慣勢留長頭鬃。對袂少毋敢留抑是毋捌留的查埔囡仔來講，欣羨濟過怨妒。無論行到佗一角勢， 彼个地頭就是伊的舞台。伊接收過的噗仔聲，大概thìng好對田岸迵過厝瓦。伊第一要意的噗仔聲，當該然來自故鄉的親人，特別是伊的爸母彼雙作穡粗耙耙的手蹄仔。所致，伊歡喜阿爸tshuā親情（tsiânn）來鬥喝聲，閣較歡喜教阿姊的囡仔唸歌。
對嚴詠能來講，tshiò歌是上蓋讚的運動。
伊大概無咧走標，毋過有幾若冬成做「田中馬拉松」的代言人。伊足誠意，踏入田中每一角勢，參在地鄉親鬥陣tshiò主題歌。
〈田中央傳來加油聲〉那聽那快活。
