孩子變老鷹的故事
Min’uni kukuav a uvaz’az tu sintataqu

（節錄）
Malinahip a isia Sani hubuqang tu sin’iqumis, muhaz tu huaz tuza tau tu painsanan, maupa’i mihalang tina ka matazin, misna’ita’in naipa min’uni mintinalu tu uvaz’az. Sanasia mintinalu uvaz’az tu sintupa, nii amin sikaupa tu siduq maszang a sintupa, haiza matazin amin tama tina, tudiip tupa’un tu mintinalu tu uvaz’az. Haiza maaki mataz a tama ka, tupa’unin tu mintinalu tu uvaz’az. Haiza matazin a tama nait tina tu tatini ka, tupa’unin amin tu mintinalu tu uvaz’az, maupata isia Bunun siduq tu sintupa.
撒妮過著快樂的嬰兒時期，只有短短的三年，媽媽因病死了，從此她變成了孤兒。按孤兒的定義，每一個民族都不同，有的是雙親死亡才叫孤兒，有的是父親死亡才叫孤兒，也有的是雙親之一死亡就叫孤兒，而布農族即是這種情形。

Maaq isia Sani tu tama tu matazin isiata pakatuzang a, muqna mapasiza tatini kiningna’an tu tina. Mapakadaidaz a Sani siin isiata tu tama, madaidaz amin a isia Sani tu tama istaa.
撒妮的父親在妻子過世之後，又娶了一位繼室，成為撒妮的後母。不過，撒妮與她父親的感情，仍舊極為親和融洽，父親也非常愛護撒妮。

Qanglas isia Sani tu tama munhaan quma kuzakuza, maaki talpatazun ihaan quma tu kuzkuza’un a, nadikut naipa ihaan taluqan nitu mulumaq. Tis’uni maupata, masiqailis a Sani piqdi’un isiata kiningna’an tu tina mapipiqdi maluludaq mahahau.
撒妮的爸爸常到田裡工作，農忙時則住在田間茅屋沒有回家。也因此，撒妮常常受到後母虐待與無故打罵。

Qanglas amin isia Sani tu tama munhaan qanupan qanup, talpia diqanin i mun’ita, paaqpun, maqtu tupa’un tu, qanglas isia Sani tu tama nitu takilumaq. Maaq tu kitngaa’ang a, masihalang a kiningna’an tu tina malkasia Sani, qaitu minvaivi’in tu haiphaipinti, maszang nitu maszang tu bunun. Paaqpun, nii a isia Sani tu tama maqansiap tu, masiqailis naipa piqdi’un kahau’un i kiningna’an tu tina.
撒妮的爸爸也常去獵場打獵，一去就是數天，所以撒妮的爸爸經常不在家。起初，後母還對撒妮很好，但是後來就變樣了，前後判若兩人。但是撒妮的爸爸並不知情，她常被後母無情的折磨與迫害。

Maaq tu uka’in isia Sani tu tina qai, nanu al malinahip uvaz’azang tu qani’anan, qunung mindumdumin uka’an kainahipan, piqdi’un ludaqun kiningna’an tu tina, tutuza tu kailakinan, mastaan amin kasalpu’un a sin’iqumis.
撒妮失去了親生的媽媽，原本是歡樂的童年時代，卻是黯淡無光，被後母羞辱的體無完膚，真是太可憐，也太悲慘了。