Inai Anuu siin Savung tu tama siin tina qai munhaan ba’av mungquma, sia inaita tu qudasnau’az Salung a malqaipu intaa.
阿努（Anuu）小弟弟和莎鳳（Savung）小妹妹的爸爸、媽媽到山田去工作，由他們的祖母莎瓏（Salung）來照顧他們。

Dusa Anuu siin Savung ihaan daisiq pistanaqtaq, mapasisinap. Saduu naingka inaita tu qudas ihaan lumaq mubasbaas munata mukumbu, misnahaan lumaq ansasaqan ispaka’un babu tu kakaunun. Muqna misnahaan lumaq ansaqan ispaka’un tulkuk tu kakaunun, munhaan pattulkukan mapaka’un i tulkuk. Kinuzin, munhaanang lumaq tu nata siin buhav ma’a’asik. Dungzavin tunganun qudas a ihaan lumaq tu sinkuzakuza.
Anuu和Savung兩姊弟在屋外院子裡遊玩、追逐。他們看到祖母從屋子裡忙進忙出，先從屋子裡抬出豬食，到豬舍去餵食；又從屋子裡搬出雞食，去雞舍餵食；之後，還到屋內與屋外庭院掃地。祖母總算完成了這些家事。

Mamuqu’in amin a Anuu siin Savung pistanaqtaq, saduu inaita tu qudas tunganin ma’asik, silulu isia qudas tu ima, makas’aang tan’a isia qudas sintaqu paliqabasan tu sintataqu. Tupa qudas tu, “ Haizang inaak madia tu kuzkuza’un napalkada’an, tudiip laqbingin taqu mu’u.”
Anuu和Savung玩得也很累了，看到祖母掃完地了，便拉著祖母的手，要祖母講故事給他們聽。祖母說：「我還有許多工作要做，明天再說給你們聽吧！」