〈畫眉〉

天星迒過小山溝
伊的影綴著泉水流
流到咱兜的門跤口咱
咱捧著星光啉落喉
啊，冰冰涼涼感情相透
雲為山咧畫目眉
有時淺淺有時厚厚
雲雖然定定真𠢕走
山永遠佇遐咧等候
啊，兩個注定做伙到老
我是雲，你就是，你就是彼座山
顧著你驚你受風寒
我畫目眉你斟酌看
逐筆攏是海焦石爛

■ 詹宏達作曲，收錄佇潘麗麗《畫眉》專輯，水晶唱片，臺北，一九九四年
■ 得著一九九四年第六屆流行音樂金曲獎最佳方言作詞人獎
■ 得著一九九四年金鼎獎最佳作詞獎

〈思念的歌〉

我的名，叫孤單
風霜永遠綴阮行
雲作伴，風唱歌
漂浪的心無時定
思念親像山連山
一山過了又一山
故鄉故鄉，啊你等我
等我唱出思念的歌
天地闊，路無名
茫茫浮出一條形影
天涯路，𤆬阮行
行入思念的山嶺

王明哲作曲，收錄佇鳳飛飛《思念的歌》專輯，科藝百代唱片，臺北，一九九五年
得著一九九五年第七屆流行音樂金曲獎最佳方言作詞人獎