阿爸當咧澎湖的姑婆嶼做水底考古，阿母𤆬我去揣伊。島裡的紀念碑頂面有五字「博卡喇汽輪」，就是阿爸這陣咧研究的沉船。

阿爸和阮講著這改的考古工課。

「是按怎博卡喇汽輪會沉落去？」阿母真好奇按呢問。
「當初時這隻船欲對上海駛去香港，拄著風颱，佇這附近靠礁（khuà-ta），無幾个人活落來……」阿爸吐大氣繼續講：「著啦，拄好和今仔日仝工，十月初十！」

工作站的桌頂囥足濟愛記錄的文物。
其中一塊古銀角仔雄雄煞光起來，我予伊發出來的光唌著，倚近去看。

「細膩！」毋知影是啥人佇我的耳空邊大聲叫，
害我掣一趒，挵著桌仔，彼塊銀角仔彈出去矣。
我隨跍落去揣，無注意煞去挵著頭，足眩的！

(中文對照)
爸爸正在澎湖姑婆嶼做水下考古，媽媽帶我去找他。
島上紀念碑寫的「博卡喇汽輪」，就是爸爸在研究的沉船。

爸爸跟我們聊起這次的考古工作。

「博卡喇汽輪為什麼會沉船？」媽媽好奇的問。
「當時這艘船正從上海開往香港，遇到颱風，在這附近觸礁，沒幾人活下來……」爸爸嘆了口氣，又說：「對了，剛好跟今天同一天，十月十日！」

工作站的桌上擺了好多要記錄的文物。
其中一枚古銀幣突然發出光芒，我被它吸引，靠近去看。

「小心！」不知道是誰在我耳邊大叫，害我嚇一跳，撞到桌子，那枚銀幣彈出去了。
我立刻蹲下去找，卻撞到頭，好暈啊！