首頁＞中文書＞出版社＞木馬文化＞台文頭手

鳥的方向：黃鈺婷台語詩集（附全書朗讀QR code）

●臺灣文學獎台語文學創作新詩首獎得主　頭一本台語詩集【風咧吹，心猶未恬靜，鳥仔猶咧走揣，𪜶的方向⋯⋯】這是一本記錄歷史佮體制、當代佮環境、地方和個人的台語詩集，嘛是詩人黃鈺婷（小鴨）參與社會運動的文學見證，一本寫予臺灣土地的情批。伊用上溫柔的母語，講上沉重的傷痕，以詩為刀，將生份的故事刻作熟似的苦難本質。若是讀著會疼，可能是因為磕著時代佮個人拍結留落來的空喙；若是你讀著感覺安慰，無定著是臺灣人的熱情佮韌命來倚身。詩集分做四个部分：第一輯討論的是以早的議題，譬論反核、原民傳統領域佮白色恐怖，有的已經告一段落，有的需要重新注目，核心問題攏是個人、族群受著國家／政權的壓迫。第二輯收錄的是當代發生、抑者是重新受著重視的議題：工業區、風機、國安、社交媒體、偏鄉、塑膠微粒、廢棄物、鐵枝高架化、露營區破壞、農地工場、MeToo、移工等等。資本社會生活型態改變，遮的議題更加歹處理，人佮人、人佮環境互相搶奪資源，身在結構當中，無才調離開，也無法度歸因予孤一个理由。第三輯是地方的故事，寫著七股、大林蒲、苑裡、麥寮、旗山、嘉義大溪厝、苗栗造橋龍昇村。有的受著工業區、廢棄物的汙染，有的是時代的變遷，佇家己的所在，人的意志有起有落，結局猶未寫完。第四輯是人心的風波，大部分是用短詩來速寫，作者看著新聞的觀察佮心情，人性種種小惡造成的現象。〔本冊出版得著「國藝會創作佮出版補助」〕

79折 特價316元

加入購物車