半䖙島：新十二生相傳奇
活動訊息
內容簡介
斑甲、狗蟻、夜婆、貓、象、海翁
鴣黃、鯪鯉、龜鱉、鹿、草猴、猩猩
十二生相新傳奇，顯出的是救世神機，抑是莫測人心？
太平洋西北爿，有一个神話豐沛的孤島釘根佇海上，一面形體看來像人或是動物半䖙，所致號做「半䖙島」。
這粒島佮附近的蓬萊島佇政治、社會、宗教、經濟佮民俗文化各方面攏真接近，袂輸是血脈相連的姊妹國，毋過島民對蓬萊島傳來的十二生相，攏感覺誠無滿意──人人喝拍的鳥鼠排頭名？貓予鼠陷害煞排無名？海洋國家竟然無半隻河海生物入生相位，敢是穢著海棠國大陸文化的漚觀念？真是離經譀古！
相紲發生的異象，靈活降世的神話，情熱狂飆的民心，參世俗迷信、權謀慾望、政治鬥爭絞動交纏。一場關係權力、歷史、犯罪、爭戰、情愛、玄幻、科技、生態的探討佮走揣，對民俗傳統的革新反省，半䖙島十二生相換選重排、新寫天理，且看小說家王羅蜜多起造平行時空的華麗魔幻、幼膩描畫，開拓台文小說想像新境界。
※新十二生相．學界文壇跨界贊聲※
▍斑甲市
〈斑甲市〉ê文字精練實腹，內容飽滇精采，現代感kah歷史感敆kah峇峇，結合古式ê神怪小說kah 西式ê 魔幻寫實ê技巧，來供體現當代猶有政治人物以怪力亂神ê漚步leh欺騙大眾，hōo咱tī奇異閣帶淡薄笑詼ê閱讀經歷中間，得著深層ê反省。
──呂美親（國立台灣師範大學台灣語文學系副教授）
▍草猴鎮
王羅蜜多寫ê故事時空，無管叫做啥物島，幾个島，lóng是仝一个島ê平行時空。伊寫ê時間無管年koh叫做啥物，lóng 是逐工tī 電視當teh 演出ê「木可」劇場。伊ê 小說結束了後，電視頂會當看著續集。
無管是草猴、蟋蟀仔、羊仔lóng 是你我真熟似ê 人。
王羅蜜多ê 小說用讀詩ê 方法來讀，就足清楚！
──李勤岸（國立台灣師範大學台灣語文學系退休教授）
▍龜鼈港
龜鼈港所煉織的身體感，不只映照出永恆愛情的渴求，也折射出島嶼對自我意識的探索，看似是一段他者的愛情傳說，實是一場島嶼的現世與異境的身分巡禮。
──角八惠（空間文化研究、劇場工作者、耳邊風工作室負責人）
▍水鹿城
怪人寫怪文，自底天公地道。
今，這个王羅創新十二生相，到底咧變啥物猴弄？
《半䖙島》共讀落去，你就真知。
〈水鹿城〉，是內中一章。
頭尾萬五字，目無nih，一睏頭讀煞。
寫政治，寫爭戰，事實寫人性的罪惡佮貪念。
地理、歷史、神話、傳奇在人編。
我看，〈水鹿城〉有鹿無鹿不常在。
咱人存天良，靈魂才會安然自在。
──陳金順（多文類創作者）
▍鴣黃庄
〈鴣黃庄〉毋但是講土地發展的寓言小說，甚至是一个關乎未來的時代話題，就當咧發生佇你我大眾的身邊。行出庄，咱敢已經準備好勢？
──陳稷安（《台文戰線》主編）
▍象家莊
作者使用魔幻寫實的手路，共小說內底的角色描寫甲足趣味，就算是毋知影林旺的少年輩，嘛會當讀出這是一篇聯結動物明星思鄉的故事。。離鄉幾若十年，就算已經生湠三代，猶原想欲落葉歸根的向望，暗喻存在佇台灣袂少外來族群的人，國族認同的故事，予讀者有閣較深的思考空間。
──黃文俊（作家）
▍鯪鯉堀
小說中「鯪鯉」既脆弱又強韌，牠們以具有可作食可入藥的各種功用被傷害、捕殺，卻能死而復生伴隨日治時期台灣義軍領袖「杜定」，展開底層百姓為生存與尊嚴的對抗。小說將已經消失超過百年的台灣歷史，重新翻轉為未來的啟示，也提醒我們自我族群、歷史文化、生態環境的存續，正依賴我們是否能開啟一雙歷史的眼睛，是否有一種能經受歷史「臭臊味」的嗅覺？去穿透歡樂的表象，嗅聞出歷史幽深之處的玄機，看見其中的希望與危機。
──廖淑芳（國立成功大學台灣文學系副教授）
▍海翁嶼
〈海翁嶼〉這篇在奇幻與寫實之間遊走的類寓言小說，若套用好萊塢「爛番茄指數」為準則，新鮮程度超過百分之九十。光這座「海翁嶼」的形成因素和結構材質，那番奇思異想就令人耳目一新，而台語文的應用雅致靈活十分可觀。王羅蜜多老師寫出了台語文小說的新高度。
──林剪雲（作家）
▍貓公寓
某天晚上，一隻黑貓來敲我的窗戶。
他說，他在找他失散的戀人，又說他要回到山洞陪穆罕默德冥想。他說，他在某幅畫裡是暹羅的皇后，又是被砲火燻黑的武士，他曾在路易十六的腦袋上打盹，睡在金幣和寶石堆成的貓窩裡。他說，他周遊列國，還是隻家貓，最喜歡蹲在家裡看書，看了上千萬字。
我問他叫什麼名字，他說自己名叫夏目，讓我喚他夏目先生。
我以為你是一隻貓。我說。
他點頭，說道：我是貓，貓是眾生，眾生皆是貓。
──九方（下輩子想當貓的作者祕書）
▍烏蟻族
這篇人佮蟻之間的故事〈烏蟻族〉毋但流露出作者遮个要素面面齊備，發揮自如，其中予我感覺不止仔趣味佮佩服的是伊的「想像力」，一份放佮收攏撙節甲真拄好的創意想像，營造出一場跨越物種的魔幻情境，嘛帶淡薄仔親像廟埕榕樹跤的老人咧講古的「心適氣」。
──陳建成（《台江台語文學》總編輯）
▍夜婆洞
〈夜婆洞〉這个故事對四常的學校生活講起，共讀者𤆬去離奇的山空。西方的空想科學、奇幻小說，內底定定有𪜶民間傳說的影。〈夜婆洞〉原仔是按呢，王羅蜜多老師共咱想像的源頭掠轉來台灣這片土地。
──洪明道（作家）
▍猩猩山
小說〈猩猩山〉，描述比社會事件表面，閣較深沉的運作原型，一種牽涉烏金、地位佮權力的扭曲變質。工夫厲害，有笑詼，有鬧熱的離譜行為，有文字佮聲音的徙位，有人佮猩猩的對照，有政治佮宗教的有力批評，親像巴赫金（Mikhail Bakhtin，1895-1975）提出的「狂歡理論」（Carnivalesque）。
──連明偉（作家）
◎本作品榮獲國藝會出版獎助
鴣黃、鯪鯉、龜鱉、鹿、草猴、猩猩
十二生相新傳奇，顯出的是救世神機，抑是莫測人心？
太平洋西北爿，有一个神話豐沛的孤島釘根佇海上，一面形體看來像人或是動物半䖙，所致號做「半䖙島」。
這粒島佮附近的蓬萊島佇政治、社會、宗教、經濟佮民俗文化各方面攏真接近，袂輸是血脈相連的姊妹國，毋過島民對蓬萊島傳來的十二生相，攏感覺誠無滿意──人人喝拍的鳥鼠排頭名？貓予鼠陷害煞排無名？海洋國家竟然無半隻河海生物入生相位，敢是穢著海棠國大陸文化的漚觀念？真是離經譀古！
相紲發生的異象，靈活降世的神話，情熱狂飆的民心，參世俗迷信、權謀慾望、政治鬥爭絞動交纏。一場關係權力、歷史、犯罪、爭戰、情愛、玄幻、科技、生態的探討佮走揣，對民俗傳統的革新反省，半䖙島十二生相換選重排、新寫天理，且看小說家王羅蜜多起造平行時空的華麗魔幻、幼膩描畫，開拓台文小說想像新境界。
※新十二生相．學界文壇跨界贊聲※
▍斑甲市
〈斑甲市〉ê文字精練實腹，內容飽滇精采，現代感kah歷史感敆kah峇峇，結合古式ê神怪小說kah 西式ê 魔幻寫實ê技巧，來供體現當代猶有政治人物以怪力亂神ê漚步leh欺騙大眾，hōo咱tī奇異閣帶淡薄笑詼ê閱讀經歷中間，得著深層ê反省。
──呂美親（國立台灣師範大學台灣語文學系副教授）
▍草猴鎮
王羅蜜多寫ê故事時空，無管叫做啥物島，幾个島，lóng是仝一个島ê平行時空。伊寫ê時間無管年koh叫做啥物，lóng 是逐工tī 電視當teh 演出ê「木可」劇場。伊ê 小說結束了後，電視頂會當看著續集。
無管是草猴、蟋蟀仔、羊仔lóng 是你我真熟似ê 人。
王羅蜜多ê 小說用讀詩ê 方法來讀，就足清楚！
──李勤岸（國立台灣師範大學台灣語文學系退休教授）
▍龜鼈港
龜鼈港所煉織的身體感，不只映照出永恆愛情的渴求，也折射出島嶼對自我意識的探索，看似是一段他者的愛情傳說，實是一場島嶼的現世與異境的身分巡禮。
──角八惠（空間文化研究、劇場工作者、耳邊風工作室負責人）
▍水鹿城
怪人寫怪文，自底天公地道。
今，這个王羅創新十二生相，到底咧變啥物猴弄？
《半䖙島》共讀落去，你就真知。
〈水鹿城〉，是內中一章。
頭尾萬五字，目無nih，一睏頭讀煞。
寫政治，寫爭戰，事實寫人性的罪惡佮貪念。
地理、歷史、神話、傳奇在人編。
我看，〈水鹿城〉有鹿無鹿不常在。
咱人存天良，靈魂才會安然自在。
──陳金順（多文類創作者）
▍鴣黃庄
〈鴣黃庄〉毋但是講土地發展的寓言小說，甚至是一个關乎未來的時代話題，就當咧發生佇你我大眾的身邊。行出庄，咱敢已經準備好勢？
──陳稷安（《台文戰線》主編）
▍象家莊
作者使用魔幻寫實的手路，共小說內底的角色描寫甲足趣味，就算是毋知影林旺的少年輩，嘛會當讀出這是一篇聯結動物明星思鄉的故事。。離鄉幾若十年，就算已經生湠三代，猶原想欲落葉歸根的向望，暗喻存在佇台灣袂少外來族群的人，國族認同的故事，予讀者有閣較深的思考空間。
──黃文俊（作家）
▍鯪鯉堀
小說中「鯪鯉」既脆弱又強韌，牠們以具有可作食可入藥的各種功用被傷害、捕殺，卻能死而復生伴隨日治時期台灣義軍領袖「杜定」，展開底層百姓為生存與尊嚴的對抗。小說將已經消失超過百年的台灣歷史，重新翻轉為未來的啟示，也提醒我們自我族群、歷史文化、生態環境的存續，正依賴我們是否能開啟一雙歷史的眼睛，是否有一種能經受歷史「臭臊味」的嗅覺？去穿透歡樂的表象，嗅聞出歷史幽深之處的玄機，看見其中的希望與危機。
──廖淑芳（國立成功大學台灣文學系副教授）
▍海翁嶼
〈海翁嶼〉這篇在奇幻與寫實之間遊走的類寓言小說，若套用好萊塢「爛番茄指數」為準則，新鮮程度超過百分之九十。光這座「海翁嶼」的形成因素和結構材質，那番奇思異想就令人耳目一新，而台語文的應用雅致靈活十分可觀。王羅蜜多老師寫出了台語文小說的新高度。
──林剪雲（作家）
▍貓公寓
某天晚上，一隻黑貓來敲我的窗戶。
他說，他在找他失散的戀人，又說他要回到山洞陪穆罕默德冥想。他說，他在某幅畫裡是暹羅的皇后，又是被砲火燻黑的武士，他曾在路易十六的腦袋上打盹，睡在金幣和寶石堆成的貓窩裡。他說，他周遊列國，還是隻家貓，最喜歡蹲在家裡看書，看了上千萬字。
我問他叫什麼名字，他說自己名叫夏目，讓我喚他夏目先生。
我以為你是一隻貓。我說。
他點頭，說道：我是貓，貓是眾生，眾生皆是貓。
──九方（下輩子想當貓的作者祕書）
▍烏蟻族
這篇人佮蟻之間的故事〈烏蟻族〉毋但流露出作者遮个要素面面齊備，發揮自如，其中予我感覺不止仔趣味佮佩服的是伊的「想像力」，一份放佮收攏撙節甲真拄好的創意想像，營造出一場跨越物種的魔幻情境，嘛帶淡薄仔親像廟埕榕樹跤的老人咧講古的「心適氣」。
──陳建成（《台江台語文學》總編輯）
▍夜婆洞
〈夜婆洞〉這个故事對四常的學校生活講起，共讀者𤆬去離奇的山空。西方的空想科學、奇幻小說，內底定定有𪜶民間傳說的影。〈夜婆洞〉原仔是按呢，王羅蜜多老師共咱想像的源頭掠轉來台灣這片土地。
──洪明道（作家）
▍猩猩山
小說〈猩猩山〉，描述比社會事件表面，閣較深沉的運作原型，一種牽涉烏金、地位佮權力的扭曲變質。工夫厲害，有笑詼，有鬧熱的離譜行為，有文字佮聲音的徙位，有人佮猩猩的對照，有政治佮宗教的有力批評，親像巴赫金（Mikhail Bakhtin，1895-1975）提出的「狂歡理論」（Carnivalesque）。
──連明偉（作家）
◎本作品榮獲國藝會出版獎助
目錄
12 个生相．12 款讚聲
話頭｜半䖙半倒觀天下──一座南方島嶼的傳奇
第 一 章 斑甲市
第 二 章 草猴鎮
第 三 章 龜鼈港
第 四 章 水鹿城
第 五 章 鴣黃庄
第 六 章 象家莊
第 七 章 鯪鯉堀
第 八 章 海翁嶼
第 九 章 貓公寓
第 十 章 烏蟻族
第十一章 夜婆洞
第十二章 猩猩山
尾語｜新十二生相演義.
話頭｜半䖙半倒觀天下──一座南方島嶼的傳奇
第 一 章 斑甲市
第 二 章 草猴鎮
第 三 章 龜鼈港
第 四 章 水鹿城
第 五 章 鴣黃庄
第 六 章 象家莊
第 七 章 鯪鯉堀
第 八 章 海翁嶼
第 九 章 貓公寓
第 十 章 烏蟻族
第十一章 夜婆洞
第十二章 猩猩山
尾語｜新十二生相演義.
試閱
半䖙半倒觀天下
──一座南方島嶼的傳奇
王羅蜜多
▎半䖙島普略
半䖙島，又名彪山島，閣有人叫伊濫肚島。是太平洋西北爿的島嶼，佇蓬萊島東爿2,700海浬，孤島釘根佇茫茫渺渺的海洋中央，是有淡薄仔神祕閣漸漸世界化的島嶼。面積大約6,000 平方公里，其中八成是山地佮崙仔，平陽主要集中佇西部沿海，地形對東爿的懸山開始，中央雄雄落差誠大，一大群無蓋懸的山崙包圍大片的山坪，加上河川沖割出來的平陽離海面無蓋濟，所以規个島嶼對坦邊看起來，就親像是半䖙倒的人抑是動物，所致號做半䖙島。閣伊東爿的第一高峰遠遠看起來，親像虎佮獅混合，拄符合古早所講「彪」的形體，號做彪山，以伊做代表，島嶼就叫做彪山島。另外較趣味的名稱，是因為島嶼中央的大片山坪誠成濫濫的腹肚，中央閣塌一窟敢若肚臍，所以有人共供體做濫肚島。半䖙島氣候佇熱帶佮亞熱帶之間，自然景觀佮生態相當豐富。人口五百外萬，超過七成集中佇西爿平陽。半䖙島族群主要有平陽族、濫肚族佮半爿族。
半䖙島誠捷落雨，大小溪河四界流，多數是對東向西，五條較長較大的主要河川，對東到西，有汫水河、肚臍溪、七星河、仙丹溪、烏溪。有的形成重要河口港，有的因為食水無夠深，另外造作海港。佇肚臍溪中央的深肚水庫，是發電佮用水的重要設施。
半䖙島因為孤自釘根佇海洋中央，參蓬萊島上接近，捷捷交往，所以伊的行政區分、政治法律、宗教文化、經濟活動、文字語言，甚至思考方式攏參蓬萊島足接近，敢若是血脈相連的姊妹國。
毋過因為時代的演變，島上誠濟人開始思考建立文化的主體性，包括宗教、政治、文化藝術、民俗傳承種種，尤其是身為海洋國家的特色。所致，多年來所發生一寡怪孽的事件，窮實佇潮流的推捒中，並無啥物奇怪。
▎神話豐沛的島嶼
平平是太平洋的小島嶼，四面海洋的國家，可能往來的未開發島嶼不計其數，也可能島民的想像力較豐富，半䖙島的神話比蓬萊島加倍濟，也加誠荒譀。比如講，𪜶的百姓普遍相信島嶼的下面有一隻大海龜，一年四季轉踅無停，而且那踅那向蓬萊島前進。根據半官方的研究報告，這種移徙每年竟然有甲1.12 公里，經過估計，較臨五千年就會徙去參蓬萊島的打狗港相接。島民多數反對去參人相接，變成別个國家的一部份，所以直直祈求海神下令，閣拜託龜神一年正轉嘛應該一年倒轉，島嶼較袂直直走徙位，卻是一直無應效。
對蓬萊島傳湠過來的，除了經常被檢討的政治、宗教、經濟問題，有一項深深影響著大眾生活的民俗文化，論生相、看命底、合八字、相生相剋種種，予𪜶感覺誠困擾也無合理。對蓬萊島傳過來十二生相牽挽佇每一个人身上，一生無法度剝開。生相的來源雖罔有附幾落套說明，不而過每一套攏予𪜶足無滿意，無法度接受。比如人人喊拍蓋討厭的動物，卻是排頭崁，故事解釋講，水牛揹貓佮鳥鼠泅過溪，無疑悟鳥鼠共貓捒落水傱去報到，結果鼠頭一名，貓排無生相，致使貓代代攏欲揣鳥鼠報仇。這款腫頷的情節，竟然講甲足滑溜。
另外，名聲是海洋國家，海底溪底的生物竟然無半隻入生相，有夠譀！有人講這是激青盲跟綴海棠國大陸文化的結果。窮實，半䖙島本身毋但飛禽野獸的傳說足濟，連蟲豸的故事嘛滿滿是，囡仔也加減會曉講。
因為動物蟲豸的神話特殊豐沛，政治人物也誠容易利用𪜶來帶動民心，爭取權力財富，甚至勢頭大甲影響全島全國。
▎創造神話佮生相革命
這个「半䖙島」的故事對斑甲開始。樹林中的斑甲早就變成市內鳥矣，四常佇徛家的露台咕咕叫，也時常行佇大街小巷捅樹子。不過佇「斑甲市」的斑甲是動物，是人，也是神。
神創造人，人創造神話，神話活靈靈佇人的生活中現身，逐件攏真甲予人不得不相信。所致「半䖙島」的故事就一件一件相紲發生，這本冊寫的是其中一小部份爾爾。不而過，毋管故事按怎發展，人物動物神明按怎變化，新的十二生相總算產生矣。
這馬「半䖙島」已經有新的十二生相矣！這十二生相包含天頂飛的、山頂走的、平地行的、水底泅的，有動物有蟲豸，有世界上大隻的佮非常細隻的。
而且𪜶的生相重再認，八字自由算，漸漸脫離世間人自作孽產生的綑縛。這種生相的大革命，誠是拍破傳統，成做自然自在的世界。
佇「半䖙島」，欲䖙欲倒據在你，一本小說提佇手，欲讀欲翻抑是欲盹龜嘛據在你。
2023年12月
佇府城北園街
斑甲市
1
百花盛開的春天，斑甲公園的樹木花草發甲旺嗄嗄。天頂白色的雲尪，若人若動物，規群目睭褫金金，相向這个特殊的公園。
佇南方的這个美麗島，公園不止仔濟。早期，圓環公園通常踮中心點徛一身威風澟澟的政治強人銅像，基座面頂閣會刻民族救星、時代偉人，醒目的大字。
毋過這个公園中心徛的，是一身飄撇英威的斑甲，兩丈外懸，是有造色的銅像。斑甲的頷頸袚白色珠鍊，尾翼翹翹，烏白分明。基座面頂，「斑甲救世」鋩鋩角角，強勁有力的大字，予赤焱焱的日頭炤甲閃閃爍爍。
斑甲是一種普通的鳥仔爾爾，欲按怎救世？基座的後面有石碑記載斑甲的神蹟，對地方的護佑。有外地人經過，看甲頭攲攲，閣會神神聽著翼股phi-phia̍k 叫，綴伊進入若夢若真的奇幻世界。
2
三百年前，遮的地號名七星堡，一个嶄然仔鬧熱的所在。七星河迵到海口，誠濟商船出出入入，形成繁華的港口城市。無疑悟雄雄發生怪病，誠濟百姓著災相穢（uè），逐家束手無策。有一工，七星河中央現出一粒人形大石頭，金光閃閃，有人看伊浮出神醫盧千歲的面腔。經過庄內的老大參詳，臨時起草寮服侍，災厄閣誠實沓沓仔化去。聽講彼時拄開始參拜，突然有一隻斑甲飛來歇佇石像肩胛，紲落軁入腹肚消失去。根據神蹟，居民就共號做斑甲千歲，抑是斑甲公。窮實盧千歲原是神醫扁鵲，為啥物變斑甲，並無人管遐濟。
就按呢閣來到近代，七星河塗沙積滓失去功能，七星堡已經改七星市矣！斑甲廟經過幾若擺改建，也請觀音、媽祖、地藏王、文昌君各種神佛入來相伨（thīn）。十外年前，斑甲公經過玉旨冊封斑甲帝君，斑甲廟變成帝君廟，毋過信徒原在慣勢講王公廟佮斑甲公。
王公廟屬七星市河南里，附近是農業區，人口無濟，多數是老人。少年的串攏過河北賺食（tsuán-tsia̍h），抑是規氣遠走高飛，去北部發展。
蹛佇廟的附近，有一个名做盧茂雄的少年家，生成瘦猴躼跤，初次看著，攏會對伊利劍劍的眼神，誠大khian的拳頭拇留落深刻的印象。伊從細漢就巧骨，毋過無興讀冊，不時佇溪邊掠魚耍水，兼參人冤家，閣一人拍幾若个，拍死毋願退。
二十外歲仔做郵差送批，看起來變成骨力正經。伊瘦卑巴大枝骨，騎佇草色oo-tóo-bái（オートバイ，機車）頂頭，大聲喝咻某某人掛號，抑是siú-siú 叫擲批飛入埕斗，屈勢有夠成斑甲。無偌久，就有人咧講：斑甲閣提批來矣！
不而過，盧茂雄無偌久就沐（bak）著筊，足𠢕（gâu）撚骰仔跋十胡，閣會你兄我弟啉燒酒，郵差的薪水根本無夠開，做半年外就辭掉。伊失蹤誠久，風聲是去北部發展。
一个熱人的中晝，盧茂雄雄雄閣出現矣！
伊頭一件代誌，行入王公廟參拜斑甲公。
佇內底參人客泡茶的吳輝良影著，較緊走出來。
「來參拜斑甲公？誠好，伊是七星市上靈聖（lîng-siànn）的神明呢！來來，遮有高級的沉水香予你用。」皮膚烏趖趖的吳輝良，生做武腯喙哺檳榔，看著穿西裝掛金絲目鏡的盧茂雄，紅喙脣笑微微，目睭賰一條線。
盧茂雄越頭看，共目鏡托一下，隨共吳輝良的手牽牢牢。
「Uah，烏龍！足久無看著矣！哪會佇遮顧廟？」
烏龍是烏皮膚的吳輝良的外號。伊目睭褫大蕊，掠盧茂雄金金相。
「哎唷！斑甲……茂雄仔，十外年無看著矣！這馬佇佗趁大錢？變較福相呢，閣雕遮爾媠的se-bí-looh（セビロ，西裝），真正猴穿衫……啊啊，歹勢歹勢，做囡仔朋友講話較靠俗……」
𪜶兩个人蹛仝庄，自細漢佇溪邊掠魚擗鳥仔，戽水相噴，有時會相觸，毋過若參人冤家就會相共做伙。
「莫閣叫茂雄啦！已經改名矣！」盧茂雄對西裝提一个金爍爍的篋仔，抽出精美燙金的mè-sì（めいし，名片）。
盧有應/ 萬有環保公司董事長/ 萬全投資公司董事長/ 萬應慈善會會長
躼躼長的頭銜兼牽英語，烏龍看甲吐舌。
陪同上香拜拜，燒金完畢，就請盧董--ê入來辦公室坐。
內底有兩三个老歲仔泡茶開講，經過烏龍紹介，盧有應㧣（tu）出七星--ê，閣提Dupont 的lài-tah（ライター，打火機）一个一个點薰。
「講著十外冬來，佇北部拍拚……」欶一喙薰，煙歕對窗仔去，盧有應吐一口氣，「前幾冬帶衰運，做啥了啥，強欲做乞食矣！講起來神奇，有一暝竟然規天頂斑甲颺颺飛，閣連兩工有神祕的聲音，暝日參我講話。原來啊，是斑甲公現身托夢，指點明路。就按呢氣運完全改變，做啥趁啥，銀票抔（put）袂離！」
「所以，這擺轉來家鄉……上代先就是愛感謝斑甲公恩賜，我寄付三百萬。」盧有應講甲誠輕鬆，隨著開一張現時支票。
王公廟是三百年的老廟，較早神明靈聖，香火旺盛，天篷佮神明攏薰甲烏趖趖，連斑甲公也變做烏斑甲矣！不而過，七星河塗沙積滓，港口廢掉，王公廟也煞衰微落去。這陣廟壁落漆，廟頂的琉璃瓦破規排，順風耳千里眼面烏一爿，神仙故事雕塑齊退色，兩隻鳳落翼，兩尾龍也攏斷鬚矣！
廟宇冷清，信徒自然走跤。因為財務困難，雖然有管理委員會的組織，卻是無人欲扞頭。烏龍自細漢蹛佇廟邊，人雞婆性閣有兄弟氣口，欲募淡薄仔錢抑是組宋江陣，加減有當呼（khoo）人，所以逐家就選伊做主任委員。
這間欲倒欲幌的老廟，足久無人寄付遮濟錢矣！在座的驚一趒齊徛起來，向盧有應行最敬禮。
「斑甲……毋是，茂雄……毋是，有應……毋是，盧董--ê……足感謝啦！」烏龍共好兄弟攬絚絚，強欲哭出來。
3
七星河失去經濟價值，河道自然放荒勼縮，而且河南河北的光景大不相同。
河南這爿有埔坪，規片的蓖麻發甲旺嗄嗄，象鼻草共鼻仔揬上天，閣有刺查某仔托白花佇風中跳舞。自然生態敢若誠好，毋過換另外一个角度來看，就是拋荒矣！
河北彼爿的溪岸駁坎一二十尺懸，排水空暝日水沖汪汪流。溪底有莎草破雨傘，岸壁發幾若欉血桐，葉仔誠大敉（mī），毋過花開一半就蔫去。
春長伯仔兩分地這氣播稻仔，半晡仔來巡田水，遇著種紅龍果的春雨叔仔就同齊跔落來食薰。
兩个人看向河北，彼是七星市的工業區，幾若十間工場也攏咧食薰，特大號的薰，吐出來的烏煙迵向天頂，參白雲絞滾做伙。
「唉！三十年來，兩爿愈差愈濟！」春長伯仔欶一喙薰歕出來，「毋知彼爿啥物都市計畫啦，農田一塊一塊變做建地。這陣啊，地價夭壽懸，聽講倚圓環邊的一坪兩百萬。想就厭氣！咱河南里猶閣攏是農田，做穡賺食三頓拄好爾爾，也莫怪一寡少年的攏走過去。」
「神明無保庇啦！」拄當選農會代表的春雨叔仔徛起來，共薰頭仔擲落塗，用跤挼一下，「斑甲公親像攏無佇廟裡，敢會去雲遊四海矣？求伊的代誌，十件九件無應效，一件有應的，是兼拜別跡神明的。」
「兼拜佗一跡神明？」春長伯仔頭敧敧（khi-khi），烏焦瘦的面模仔，浮出血筋。
春雨叔仔倒手挲bì-lù（ビール，啤酒）肚，正手挼圓圓的紅鼻頭，閣跔落來。
「河北市內的北極殿，𪜶的上帝公真正興甲會食糕仔。聽講逐年還願謝神的，歌仔戲布袋戲搬袂離，寄付的人攏大出手，莫怪規間廟金顯顯，香客大樓起十外層！」
「誠是輸人忝忝！不而過聽講……」春長伯仔目睭雄雄發光，「較早做郵差彼个斑甲……這馬的盧董--ê啦，講佇北部的天良市趁著大錢，寄付咱的王公廟，一出手就三百萬呢！」
「風聲誠緊，這起事規庄頭拍算攏知矣！是啦，這个少年的誠可取，趁著錢會想欲轉來致蔭鄉里，出手閣誠大方。向望啊，會當帶動地方重再興旺起來！」
講著盧董--ê，春雨叔仔圓輾輾的燒酒面也煞有春風，沙微的眼神充滿希望。
4
七星市的人口逐年增加，這陣較臨十六萬。七星河的南爿誠稀微，人口才一萬外，其他的攏集中佇北爿。
河北上繁華的所在是北斗。伊以圓環做中心，分五條街道向四周圍放射，小巷道連來串去，親像蜘蛛網。
圓環內誠濟百年老樹，黃葛、榕仔、茄苳……，也有新種的雞卵花、阿勃勒。伊的中心有一个八尺懸的台座，屈佇面頂彼隻威風的銅獅，開喙齴牙，連下面彼副牲醴也雄介介。斟酌看下面的刻字：祥獅獻瑞，北斗極光。某某獅仔會寄付，會長盧火獅。
五條街道當中，上蓋顯目的是正經街，一條仿巴洛克式風格老街。兩爿老厝的秀面猶閣誠完整，頂頭的浮雕有牡丹芙蓉、平安如意、招財螿蜍、吉祥麒麟、百果豐收等等，中央題刻商店字號。
盧有應榮歸故鄉了後，佇河南庄跤的田地起一間鑠奅媠氣的農舍，予兩个序大人養老。伊是獨生子，父母六十外歲已經頭毛喙鬚白，強欲蔫去矣！𪜶慣勢蹛田庄，逐工鋤頭加減掘嘛較有議量。
不過伊家己選擇佇正經老街的尾溜，買一間五層樓仔，閣共秀面改做仿巴洛克式。伊頂頭雕刻簡單的花草，佇正中央徛一隻誠猛醒，兩翼攑懸懸，親像欲衝上天頂的斑甲。
這間厝，一樓是客廳兼萬應慈善會辦公室。二樓無隔間挑閬闊曠，三四樓空房間誠濟，蹛三个女祕書。盧有應猶未娶家後，孤一人徛踮五樓。伊佇樓梯口安鐵門，逐時鎖牢牢，規定仼何人攏不准𬦰起去。
禮拜日的透早，伊逐時誠早起床，徛佇五樓頂曠闊的露台，穿一軀（su）殕色、手䘼（tshiú-ńg）闊閬閬的外疊（guā-tha̍h），頷頸掛一條白色珍珠祓鍊。伊欶一種特殊氣味的薰，欶甲四枋的下斗圓去，厚thu̍t-thu̍t 的喙脣尖去，懸懸的鼻龍扁去。伊神神看向遠遠的圓環仔。
雄雄，伊的翼股攑起來，phi-phia̍k 叫。盧有應變做斑甲飛起來矣！我是斑甲，是斑甲公的使者……伊喙踅踅唸，飛向北斗圓環……
「貓霧光漸漸散去，一片箍金巡的雲彩伴我咧飛，那飛那變換形體，有時龍，有時虎，有時閣親像太上李老君騎牛，直直共我揲手。
我佇圓環邊的五條街道頂頭衝懸落低，四界轉踅，早起運動的老歲仔有行有走，早頓店開門做生理，oo-tóo-bái 吭吭叫，早班的公車也開出來矣！規个城市攏佇我的跤縫，佇我的翼股下，我帶神的使命來巡視！
飛一點外鐘，誠實有一點仔忝矣，我飛入來圓環內底，誠濟老樹共我拍招呼，啥物？招我去內底做岫，參粟鳥仔歇做伙？愛講滾笑！
我飛過公園所有的樹欉，向準準，佇石獅的頭殼頂歇落來。伊吼叫一聲，就軟落去兼搖尾。石獅，你是我的跤力，我的部下將……
天頂萬丈的金光射落來，我規頭規面規翼股攏金爍爍，安金身矣！」
──一座南方島嶼的傳奇
王羅蜜多
▎半䖙島普略
半䖙島，又名彪山島，閣有人叫伊濫肚島。是太平洋西北爿的島嶼，佇蓬萊島東爿2,700海浬，孤島釘根佇茫茫渺渺的海洋中央，是有淡薄仔神祕閣漸漸世界化的島嶼。面積大約6,000 平方公里，其中八成是山地佮崙仔，平陽主要集中佇西部沿海，地形對東爿的懸山開始，中央雄雄落差誠大，一大群無蓋懸的山崙包圍大片的山坪，加上河川沖割出來的平陽離海面無蓋濟，所以規个島嶼對坦邊看起來，就親像是半䖙倒的人抑是動物，所致號做半䖙島。閣伊東爿的第一高峰遠遠看起來，親像虎佮獅混合，拄符合古早所講「彪」的形體，號做彪山，以伊做代表，島嶼就叫做彪山島。另外較趣味的名稱，是因為島嶼中央的大片山坪誠成濫濫的腹肚，中央閣塌一窟敢若肚臍，所以有人共供體做濫肚島。半䖙島氣候佇熱帶佮亞熱帶之間，自然景觀佮生態相當豐富。人口五百外萬，超過七成集中佇西爿平陽。半䖙島族群主要有平陽族、濫肚族佮半爿族。
半䖙島誠捷落雨，大小溪河四界流，多數是對東向西，五條較長較大的主要河川，對東到西，有汫水河、肚臍溪、七星河、仙丹溪、烏溪。有的形成重要河口港，有的因為食水無夠深，另外造作海港。佇肚臍溪中央的深肚水庫，是發電佮用水的重要設施。
半䖙島因為孤自釘根佇海洋中央，參蓬萊島上接近，捷捷交往，所以伊的行政區分、政治法律、宗教文化、經濟活動、文字語言，甚至思考方式攏參蓬萊島足接近，敢若是血脈相連的姊妹國。
毋過因為時代的演變，島上誠濟人開始思考建立文化的主體性，包括宗教、政治、文化藝術、民俗傳承種種，尤其是身為海洋國家的特色。所致，多年來所發生一寡怪孽的事件，窮實佇潮流的推捒中，並無啥物奇怪。
▎神話豐沛的島嶼
平平是太平洋的小島嶼，四面海洋的國家，可能往來的未開發島嶼不計其數，也可能島民的想像力較豐富，半䖙島的神話比蓬萊島加倍濟，也加誠荒譀。比如講，𪜶的百姓普遍相信島嶼的下面有一隻大海龜，一年四季轉踅無停，而且那踅那向蓬萊島前進。根據半官方的研究報告，這種移徙每年竟然有甲1.12 公里，經過估計，較臨五千年就會徙去參蓬萊島的打狗港相接。島民多數反對去參人相接，變成別个國家的一部份，所以直直祈求海神下令，閣拜託龜神一年正轉嘛應該一年倒轉，島嶼較袂直直走徙位，卻是一直無應效。
對蓬萊島傳湠過來的，除了經常被檢討的政治、宗教、經濟問題，有一項深深影響著大眾生活的民俗文化，論生相、看命底、合八字、相生相剋種種，予𪜶感覺誠困擾也無合理。對蓬萊島傳過來十二生相牽挽佇每一个人身上，一生無法度剝開。生相的來源雖罔有附幾落套說明，不而過每一套攏予𪜶足無滿意，無法度接受。比如人人喊拍蓋討厭的動物，卻是排頭崁，故事解釋講，水牛揹貓佮鳥鼠泅過溪，無疑悟鳥鼠共貓捒落水傱去報到，結果鼠頭一名，貓排無生相，致使貓代代攏欲揣鳥鼠報仇。這款腫頷的情節，竟然講甲足滑溜。
另外，名聲是海洋國家，海底溪底的生物竟然無半隻入生相，有夠譀！有人講這是激青盲跟綴海棠國大陸文化的結果。窮實，半䖙島本身毋但飛禽野獸的傳說足濟，連蟲豸的故事嘛滿滿是，囡仔也加減會曉講。
因為動物蟲豸的神話特殊豐沛，政治人物也誠容易利用𪜶來帶動民心，爭取權力財富，甚至勢頭大甲影響全島全國。
▎創造神話佮生相革命
這个「半䖙島」的故事對斑甲開始。樹林中的斑甲早就變成市內鳥矣，四常佇徛家的露台咕咕叫，也時常行佇大街小巷捅樹子。不過佇「斑甲市」的斑甲是動物，是人，也是神。
神創造人，人創造神話，神話活靈靈佇人的生活中現身，逐件攏真甲予人不得不相信。所致「半䖙島」的故事就一件一件相紲發生，這本冊寫的是其中一小部份爾爾。不而過，毋管故事按怎發展，人物動物神明按怎變化，新的十二生相總算產生矣。
這馬「半䖙島」已經有新的十二生相矣！這十二生相包含天頂飛的、山頂走的、平地行的、水底泅的，有動物有蟲豸，有世界上大隻的佮非常細隻的。
而且𪜶的生相重再認，八字自由算，漸漸脫離世間人自作孽產生的綑縛。這種生相的大革命，誠是拍破傳統，成做自然自在的世界。
佇「半䖙島」，欲䖙欲倒據在你，一本小說提佇手，欲讀欲翻抑是欲盹龜嘛據在你。
2023年12月
佇府城北園街
斑甲市
1
百花盛開的春天，斑甲公園的樹木花草發甲旺嗄嗄。天頂白色的雲尪，若人若動物，規群目睭褫金金，相向這个特殊的公園。
佇南方的這个美麗島，公園不止仔濟。早期，圓環公園通常踮中心點徛一身威風澟澟的政治強人銅像，基座面頂閣會刻民族救星、時代偉人，醒目的大字。
毋過這个公園中心徛的，是一身飄撇英威的斑甲，兩丈外懸，是有造色的銅像。斑甲的頷頸袚白色珠鍊，尾翼翹翹，烏白分明。基座面頂，「斑甲救世」鋩鋩角角，強勁有力的大字，予赤焱焱的日頭炤甲閃閃爍爍。
斑甲是一種普通的鳥仔爾爾，欲按怎救世？基座的後面有石碑記載斑甲的神蹟，對地方的護佑。有外地人經過，看甲頭攲攲，閣會神神聽著翼股phi-phia̍k 叫，綴伊進入若夢若真的奇幻世界。
2
三百年前，遮的地號名七星堡，一个嶄然仔鬧熱的所在。七星河迵到海口，誠濟商船出出入入，形成繁華的港口城市。無疑悟雄雄發生怪病，誠濟百姓著災相穢（uè），逐家束手無策。有一工，七星河中央現出一粒人形大石頭，金光閃閃，有人看伊浮出神醫盧千歲的面腔。經過庄內的老大參詳，臨時起草寮服侍，災厄閣誠實沓沓仔化去。聽講彼時拄開始參拜，突然有一隻斑甲飛來歇佇石像肩胛，紲落軁入腹肚消失去。根據神蹟，居民就共號做斑甲千歲，抑是斑甲公。窮實盧千歲原是神醫扁鵲，為啥物變斑甲，並無人管遐濟。
就按呢閣來到近代，七星河塗沙積滓失去功能，七星堡已經改七星市矣！斑甲廟經過幾若擺改建，也請觀音、媽祖、地藏王、文昌君各種神佛入來相伨（thīn）。十外年前，斑甲公經過玉旨冊封斑甲帝君，斑甲廟變成帝君廟，毋過信徒原在慣勢講王公廟佮斑甲公。
王公廟屬七星市河南里，附近是農業區，人口無濟，多數是老人。少年的串攏過河北賺食（tsuán-tsia̍h），抑是規氣遠走高飛，去北部發展。
蹛佇廟的附近，有一个名做盧茂雄的少年家，生成瘦猴躼跤，初次看著，攏會對伊利劍劍的眼神，誠大khian的拳頭拇留落深刻的印象。伊從細漢就巧骨，毋過無興讀冊，不時佇溪邊掠魚耍水，兼參人冤家，閣一人拍幾若个，拍死毋願退。
二十外歲仔做郵差送批，看起來變成骨力正經。伊瘦卑巴大枝骨，騎佇草色oo-tóo-bái（オートバイ，機車）頂頭，大聲喝咻某某人掛號，抑是siú-siú 叫擲批飛入埕斗，屈勢有夠成斑甲。無偌久，就有人咧講：斑甲閣提批來矣！
不而過，盧茂雄無偌久就沐（bak）著筊，足𠢕（gâu）撚骰仔跋十胡，閣會你兄我弟啉燒酒，郵差的薪水根本無夠開，做半年外就辭掉。伊失蹤誠久，風聲是去北部發展。
一个熱人的中晝，盧茂雄雄雄閣出現矣！
伊頭一件代誌，行入王公廟參拜斑甲公。
佇內底參人客泡茶的吳輝良影著，較緊走出來。
「來參拜斑甲公？誠好，伊是七星市上靈聖（lîng-siànn）的神明呢！來來，遮有高級的沉水香予你用。」皮膚烏趖趖的吳輝良，生做武腯喙哺檳榔，看著穿西裝掛金絲目鏡的盧茂雄，紅喙脣笑微微，目睭賰一條線。
盧茂雄越頭看，共目鏡托一下，隨共吳輝良的手牽牢牢。
「Uah，烏龍！足久無看著矣！哪會佇遮顧廟？」
烏龍是烏皮膚的吳輝良的外號。伊目睭褫大蕊，掠盧茂雄金金相。
「哎唷！斑甲……茂雄仔，十外年無看著矣！這馬佇佗趁大錢？變較福相呢，閣雕遮爾媠的se-bí-looh（セビロ，西裝），真正猴穿衫……啊啊，歹勢歹勢，做囡仔朋友講話較靠俗……」
𪜶兩个人蹛仝庄，自細漢佇溪邊掠魚擗鳥仔，戽水相噴，有時會相觸，毋過若參人冤家就會相共做伙。
「莫閣叫茂雄啦！已經改名矣！」盧茂雄對西裝提一个金爍爍的篋仔，抽出精美燙金的mè-sì（めいし，名片）。
盧有應/ 萬有環保公司董事長/ 萬全投資公司董事長/ 萬應慈善會會長
躼躼長的頭銜兼牽英語，烏龍看甲吐舌。
陪同上香拜拜，燒金完畢，就請盧董--ê入來辦公室坐。
內底有兩三个老歲仔泡茶開講，經過烏龍紹介，盧有應㧣（tu）出七星--ê，閣提Dupont 的lài-tah（ライター，打火機）一个一个點薰。
「講著十外冬來，佇北部拍拚……」欶一喙薰，煙歕對窗仔去，盧有應吐一口氣，「前幾冬帶衰運，做啥了啥，強欲做乞食矣！講起來神奇，有一暝竟然規天頂斑甲颺颺飛，閣連兩工有神祕的聲音，暝日參我講話。原來啊，是斑甲公現身托夢，指點明路。就按呢氣運完全改變，做啥趁啥，銀票抔（put）袂離！」
「所以，這擺轉來家鄉……上代先就是愛感謝斑甲公恩賜，我寄付三百萬。」盧有應講甲誠輕鬆，隨著開一張現時支票。
王公廟是三百年的老廟，較早神明靈聖，香火旺盛，天篷佮神明攏薰甲烏趖趖，連斑甲公也變做烏斑甲矣！不而過，七星河塗沙積滓，港口廢掉，王公廟也煞衰微落去。這陣廟壁落漆，廟頂的琉璃瓦破規排，順風耳千里眼面烏一爿，神仙故事雕塑齊退色，兩隻鳳落翼，兩尾龍也攏斷鬚矣！
廟宇冷清，信徒自然走跤。因為財務困難，雖然有管理委員會的組織，卻是無人欲扞頭。烏龍自細漢蹛佇廟邊，人雞婆性閣有兄弟氣口，欲募淡薄仔錢抑是組宋江陣，加減有當呼（khoo）人，所以逐家就選伊做主任委員。
這間欲倒欲幌的老廟，足久無人寄付遮濟錢矣！在座的驚一趒齊徛起來，向盧有應行最敬禮。
「斑甲……毋是，茂雄……毋是，有應……毋是，盧董--ê……足感謝啦！」烏龍共好兄弟攬絚絚，強欲哭出來。
3
七星河失去經濟價值，河道自然放荒勼縮，而且河南河北的光景大不相同。
河南這爿有埔坪，規片的蓖麻發甲旺嗄嗄，象鼻草共鼻仔揬上天，閣有刺查某仔托白花佇風中跳舞。自然生態敢若誠好，毋過換另外一个角度來看，就是拋荒矣！
河北彼爿的溪岸駁坎一二十尺懸，排水空暝日水沖汪汪流。溪底有莎草破雨傘，岸壁發幾若欉血桐，葉仔誠大敉（mī），毋過花開一半就蔫去。
春長伯仔兩分地這氣播稻仔，半晡仔來巡田水，遇著種紅龍果的春雨叔仔就同齊跔落來食薰。
兩个人看向河北，彼是七星市的工業區，幾若十間工場也攏咧食薰，特大號的薰，吐出來的烏煙迵向天頂，參白雲絞滾做伙。
「唉！三十年來，兩爿愈差愈濟！」春長伯仔欶一喙薰歕出來，「毋知彼爿啥物都市計畫啦，農田一塊一塊變做建地。這陣啊，地價夭壽懸，聽講倚圓環邊的一坪兩百萬。想就厭氣！咱河南里猶閣攏是農田，做穡賺食三頓拄好爾爾，也莫怪一寡少年的攏走過去。」
「神明無保庇啦！」拄當選農會代表的春雨叔仔徛起來，共薰頭仔擲落塗，用跤挼一下，「斑甲公親像攏無佇廟裡，敢會去雲遊四海矣？求伊的代誌，十件九件無應效，一件有應的，是兼拜別跡神明的。」
「兼拜佗一跡神明？」春長伯仔頭敧敧（khi-khi），烏焦瘦的面模仔，浮出血筋。
春雨叔仔倒手挲bì-lù（ビール，啤酒）肚，正手挼圓圓的紅鼻頭，閣跔落來。
「河北市內的北極殿，𪜶的上帝公真正興甲會食糕仔。聽講逐年還願謝神的，歌仔戲布袋戲搬袂離，寄付的人攏大出手，莫怪規間廟金顯顯，香客大樓起十外層！」
「誠是輸人忝忝！不而過聽講……」春長伯仔目睭雄雄發光，「較早做郵差彼个斑甲……這馬的盧董--ê啦，講佇北部的天良市趁著大錢，寄付咱的王公廟，一出手就三百萬呢！」
「風聲誠緊，這起事規庄頭拍算攏知矣！是啦，這个少年的誠可取，趁著錢會想欲轉來致蔭鄉里，出手閣誠大方。向望啊，會當帶動地方重再興旺起來！」
講著盧董--ê，春雨叔仔圓輾輾的燒酒面也煞有春風，沙微的眼神充滿希望。
4
七星市的人口逐年增加，這陣較臨十六萬。七星河的南爿誠稀微，人口才一萬外，其他的攏集中佇北爿。
河北上繁華的所在是北斗。伊以圓環做中心，分五條街道向四周圍放射，小巷道連來串去，親像蜘蛛網。
圓環內誠濟百年老樹，黃葛、榕仔、茄苳……，也有新種的雞卵花、阿勃勒。伊的中心有一个八尺懸的台座，屈佇面頂彼隻威風的銅獅，開喙齴牙，連下面彼副牲醴也雄介介。斟酌看下面的刻字：祥獅獻瑞，北斗極光。某某獅仔會寄付，會長盧火獅。
五條街道當中，上蓋顯目的是正經街，一條仿巴洛克式風格老街。兩爿老厝的秀面猶閣誠完整，頂頭的浮雕有牡丹芙蓉、平安如意、招財螿蜍、吉祥麒麟、百果豐收等等，中央題刻商店字號。
盧有應榮歸故鄉了後，佇河南庄跤的田地起一間鑠奅媠氣的農舍，予兩个序大人養老。伊是獨生子，父母六十外歲已經頭毛喙鬚白，強欲蔫去矣！𪜶慣勢蹛田庄，逐工鋤頭加減掘嘛較有議量。
不過伊家己選擇佇正經老街的尾溜，買一間五層樓仔，閣共秀面改做仿巴洛克式。伊頂頭雕刻簡單的花草，佇正中央徛一隻誠猛醒，兩翼攑懸懸，親像欲衝上天頂的斑甲。
這間厝，一樓是客廳兼萬應慈善會辦公室。二樓無隔間挑閬闊曠，三四樓空房間誠濟，蹛三个女祕書。盧有應猶未娶家後，孤一人徛踮五樓。伊佇樓梯口安鐵門，逐時鎖牢牢，規定仼何人攏不准𬦰起去。
禮拜日的透早，伊逐時誠早起床，徛佇五樓頂曠闊的露台，穿一軀（su）殕色、手䘼（tshiú-ńg）闊閬閬的外疊（guā-tha̍h），頷頸掛一條白色珍珠祓鍊。伊欶一種特殊氣味的薰，欶甲四枋的下斗圓去，厚thu̍t-thu̍t 的喙脣尖去，懸懸的鼻龍扁去。伊神神看向遠遠的圓環仔。
雄雄，伊的翼股攑起來，phi-phia̍k 叫。盧有應變做斑甲飛起來矣！我是斑甲，是斑甲公的使者……伊喙踅踅唸，飛向北斗圓環……
「貓霧光漸漸散去，一片箍金巡的雲彩伴我咧飛，那飛那變換形體，有時龍，有時虎，有時閣親像太上李老君騎牛，直直共我揲手。
我佇圓環邊的五條街道頂頭衝懸落低，四界轉踅，早起運動的老歲仔有行有走，早頓店開門做生理，oo-tóo-bái 吭吭叫，早班的公車也開出來矣！規个城市攏佇我的跤縫，佇我的翼股下，我帶神的使命來巡視！
飛一點外鐘，誠實有一點仔忝矣，我飛入來圓環內底，誠濟老樹共我拍招呼，啥物？招我去內底做岫，參粟鳥仔歇做伙？愛講滾笑！
我飛過公園所有的樹欉，向準準，佇石獅的頭殼頂歇落來。伊吼叫一聲，就軟落去兼搖尾。石獅，你是我的跤力，我的部下將……
天頂萬丈的金光射落來，我規頭規面規翼股攏金爍爍，安金身矣！」
配送方式
-
台灣
- 國內宅配：本島、離島
-
到店取貨：
不限金額免運費
-
海外
- 國際快遞：全球
-
港澳店取：
訂購/退換貨須知
加入金石堂 LINE 官方帳號『完成綁定』，隨時掌握出貨動態：
提醒您！！
金石堂及銀行均不會請您操作ATM! 如接獲電話要求您前往ATM提款機，請不要聽從指示，以免受騙上當！
退換貨須知：
**提醒您，鑑賞期不等於試用期，退回商品須為全新狀態**
-
依據「消費者保護法」第19條及行政院消費者保護處公告之「通訊交易解除權合理例外情事適用準則」，以下商品購買後，除商品本身有瑕疵外，將不提供7天的猶豫期：
- 易於腐敗、保存期限較短或解約時即將逾期。（如：生鮮食品）
- 依消費者要求所為之客製化給付。（客製化商品）
- 報紙、期刊或雜誌。（含MOOK、外文雜誌）
- 經消費者拆封之影音商品或電腦軟體。
- 非以有形媒介提供之數位內容或一經提供即為完成之線上服務，經消費者事先同意始提供。（如：電子書、電子雜誌、下載版軟體、虛擬商品…等）
- 已拆封之個人衛生用品。（如：內衣褲、刮鬍刀、除毛刀…等）
- 若非上列種類商品，均享有到貨7天的猶豫期（含例假日）。
- 辦理退換貨時，商品（組合商品恕無法接受單獨退貨）必須是您收到商品時的原始狀態（包含商品本體、配件、贈品、保證書、所有附隨資料文件及原廠內外包裝…等），請勿直接使用原廠包裝寄送，或於原廠包裝上黏貼紙張或書寫文字。
- 退回商品若無法回復原狀，將請您負擔回復原狀所需費用，嚴重時將影響您的退貨權益。
商品評價