【電子書】開花結子Khui-hue kiat-tsí
活動訊息
用閱讀開啟視野，讓書成為照亮你人生的光
【金石堂選書】本月推薦您這些好書👉 快來看看
內容簡介
超過30萬字！
藍春瑞先生上新ê台文長篇家族史小說！
佇台灣島，對明治初年行到公元21世紀
行過一百年ê顏家，三代生湠ê故事
Tuì王查某kah顏阿清翁仔某開始ê家族故事
看台灣tuì日本時代到tann ê變遷
「春瑞兄用Ke-lâng做塗炭ê顏阿清kap王查某in家族仔做主題，uì日本時代寫起，透過步平百姓人ê生活kap想法，呈現台灣歷史ê記持kap精神。咱看冊內底ê人物個性，決定in ê運命，tse是自希臘慘齣到目今永遠bē退流行ê文學主題。」——劉承賢．推薦序
故事內底所講著ê查埔、查某、老歲ákah少年家á，攏是圍佇顏阿清kah王查某2翁á姐四箍輾轉所牽來ê骨頭親、五服外（遠親）kah祧á內ê人……
王查某佇日本時代ê大正5年（1916）kah顏阿清sak做堆，查某16查埔18歲。大正10年（1921）生頭tsiūnn-á號做金枝á算起，一直kàu昭和20年（1945）日本戰敗退出台灣hit年，生ban囝達遠止，頭尾24冬內，若扯ûn來算，2冬1个，頭尾足足13个，7个查某、6个查埔，佇hit个山窮海kia̍t、無tàng趁食ê天時，uân-á是足驚人ê代誌。
顏阿清骨力、無性無地；m̄過，in某王查某誠無人緣、粗魯koh愛錢，in ê後senn、查某囝齊是hit款淺腹腸、gâu怨妒ê癖性，總扯來講，顏家ē興是顏阿清tn̄g-tio̍h好天時，天beh助--伊；啊若路尾á崩敗是王查某祖傳ê死人性舞--出-來-ê，用1句話來結尾，就是“彼號花生彼號子，彼號粟結彼號米”攏是tsíng tio̍h爸母……
本冊特色：
★逐節攏用七字仔起頭
★附錄／台語諺語集
藍春瑞先生上新ê台文長篇家族史小說！
佇台灣島，對明治初年行到公元21世紀
行過一百年ê顏家，三代生湠ê故事
Tuì王查某kah顏阿清翁仔某開始ê家族故事
看台灣tuì日本時代到tann ê變遷
「春瑞兄用Ke-lâng做塗炭ê顏阿清kap王查某in家族仔做主題，uì日本時代寫起，透過步平百姓人ê生活kap想法，呈現台灣歷史ê記持kap精神。咱看冊內底ê人物個性，決定in ê運命，tse是自希臘慘齣到目今永遠bē退流行ê文學主題。」——劉承賢．推薦序
故事內底所講著ê查埔、查某、老歲ákah少年家á，攏是圍佇顏阿清kah王查某2翁á姐四箍輾轉所牽來ê骨頭親、五服外（遠親）kah祧á內ê人……
王查某佇日本時代ê大正5年（1916）kah顏阿清sak做堆，查某16查埔18歲。大正10年（1921）生頭tsiūnn-á號做金枝á算起，一直kàu昭和20年（1945）日本戰敗退出台灣hit年，生ban囝達遠止，頭尾24冬內，若扯ûn來算，2冬1个，頭尾足足13个，7个查某、6个查埔，佇hit个山窮海kia̍t、無tàng趁食ê天時，uân-á是足驚人ê代誌。
顏阿清骨力、無性無地；m̄過，in某王查某誠無人緣、粗魯koh愛錢，in ê後senn、查某囝齊是hit款淺腹腸、gâu怨妒ê癖性，總扯來講，顏家ē興是顏阿清tn̄g-tio̍h好天時，天beh助--伊；啊若路尾á崩敗是王查某祖傳ê死人性舞--出-來-ê，用1句話來結尾，就是“彼號花生彼號子，彼號粟結彼號米”攏是tsíng tio̍h爸母……
本冊特色：
★逐節攏用七字仔起頭
★附錄／台語諺語集
目錄
推薦序
M̄ kan-tann是家族史，mā是hōo人讀著心肝ínn-à ē ngiau ê故事
劉承賢
人物誌
01過鹹水
02鴛鴦渡海
03同窗望同門
04兄哥牽猴
05新新ē變舊，有贏就有輸
06幼秀妹á
07嫁佮離
08酒國之花
09包飼
10做細姨
11Tsiú寡
12招小妹去搖
13揣金絲猴
14先離才tàu
15賣肉緊suah
16起嬈uì遮
17報馬
18講親情
19對看
20送定kah嫁娶
21病囝
22苦毒戲
23 Suan去外家
24啥人ê種
25輸kah褪褲
26賣肉來oo-ián
27揣人閣嫁
28 Bā新翁
29搬厝（1971）
30阿清行短路
31揣後手
32換人奉待
33妖婆棄世
34仝腹ê怨妒
35落第
36初戀夢
37有身矣
38 The̍h囡á
39哈翁koh嫁
40怨妒癖
41四六倒反
42離緣
43姊妹ê交纏
44處長退休
45雙頭了
46衰尾細姨
47拐金枝
48狼狽á囝
49厝拍賣
50末路ê金枝
51春夫寄錢
52鶯子再探金枝
53屘囝kah好子
54倩賊顧更
55偷咬雞á
56紙袂包tit火
57娶美國某
58好子再嫁
59尾話
顏家年表
附錄．諺語集
M̄ kan-tann是家族史，mā是hōo人讀著心肝ínn-à ē ngiau ê故事
劉承賢
人物誌
01過鹹水
02鴛鴦渡海
03同窗望同門
04兄哥牽猴
05新新ē變舊，有贏就有輸
06幼秀妹á
07嫁佮離
08酒國之花
09包飼
10做細姨
11Tsiú寡
12招小妹去搖
13揣金絲猴
14先離才tàu
15賣肉緊suah
16起嬈uì遮
17報馬
18講親情
19對看
20送定kah嫁娶
21病囝
22苦毒戲
23 Suan去外家
24啥人ê種
25輸kah褪褲
26賣肉來oo-ián
27揣人閣嫁
28 Bā新翁
29搬厝（1971）
30阿清行短路
31揣後手
32換人奉待
33妖婆棄世
34仝腹ê怨妒
35落第
36初戀夢
37有身矣
38 The̍h囡á
39哈翁koh嫁
40怨妒癖
41四六倒反
42離緣
43姊妹ê交纏
44處長退休
45雙頭了
46衰尾細姨
47拐金枝
48狼狽á囝
49厝拍賣
50末路ê金枝
51春夫寄錢
52鶯子再探金枝
53屘囝kah好子
54倩賊顧更
55偷咬雞á
56紙袂包tit火
57娶美國某
58好子再嫁
59尾話
顏家年表
附錄．諺語集
試閱
推薦序｜M̄ kan-tann是家族史，mā是hōo⼈讀著⼼肝ínn-à ē ngiau ê故事／劉承賢
有teh斟酌台語⼩說ê⼈，無⼈m̄ 知影藍春瑞，春瑞兄ê作品m̄-nā台語tuann-tiah，koh有別⼈無ê特⾊，⼈講「囡仔bē⽤得偷⽣--得」，⼀下看就有爸仔⺟ê形體tī--leh；咱講「春瑞兄ê⼩說免徛名」，讀--落-去就知作者本⼈是tsiâ！
台語寫了媠氣且抾起，伊ê⼩說koh有兩項標頭：逐節攏⽤七字仔起khiàn、gâu寫「弄被風」ê齣頭（「弄被風」tsit个詞mā是我uì春瑞兄tsit本⼩說o̍h--ê）。頭⼀項標頭來講，啥⼈to知影寫⼩說寫了好ài有才情kap技術，m̄-koh若beh連七字仔to寫濟兼寫了tsiūnn-kioh，he就oh--ah，ohhuān oh，春瑞兄現現就是tsit款ê⼈才。
文學作品--裡「弄被風」真四常，m̄-koh寫tsit-lō「天地所設ê好戲」，beh按怎講kah拄拄仔好，bē siunn「⽩tsiánn」，koh bē「siunn鹹」tsua̋nn變做「細本--ê」，tse mā是本等--liooh。看春瑞兄ê⼿路，hōo拙者想著真濟女性愛讀ê浪漫史⼩說，若春瑞兄ê書寫khah偏男性觀點tsit點先不管，檢采thang講春瑞兄teh寫咱台文ê《Fifty Shade of Grey》（華語譯做《格雷的五⼗道陰影》），m̄知逐家有同意--無。呵咾ê話咱先拍tsām，翻頭來講tsit本上新ê台語⻑篇⼩說。
Beh講tsit本⼩說是啥類型，拙者我m̄是文學研究者，逐家bóng聽就好：Tsit本⼩說是世界文學內底真tiānn khuàinn ê家族史⼩說。咱台語文學上經典ê⻑篇《鄉史補記》就是uì黃慶餘kap朱泰雄兩个⼈ê家族án-ne湠--出-來--ê。
Án-ne講逐家凡勢iáu無概念，tann koh舉幾个仔例hōo逐家參考：《Cien años de soledad》（華語譯做《百年孤寂》）kap《Wuthering Heights》（華語譯做《咆哮⼭莊》）ē-sái講是通世界出名ê⼩說，頭前tsit本是取Buendía（華語譯做「邦迪亞」）家族tī百外冬中間按怎起家、按怎衰微來講古，啊另外hit本是取別莊大厝êEarnshaw（華語譯做「恩蕭」）家族做背景來發展。咱台灣ê作家來講，李喬ê《寒夜三部曲》kap鍾肇政ê《台灣⼈三部曲》，是in創作ê經典，in tsit幾本⼩說mā仝款屬tī家族史⼩說tsit个類型。2021年⾜tshìng ê客語電視劇「茶⾦」，是uì寫客⼈姜阿新in家族ê⼩說《茶⾦歲月》得著靈感--ê。例講kah tsia，相信逐家就知影家族史⼩說⾃以早到tsiàng時有偌時⾏--ah。
家族ê歷史牽涉著久⻑ê時間hām真濟⾓⾊，beh營為1 phō⻑篇⼩說，家族史ē-tàng提供tsiok phong-phài ê材料，檢采tse也是家族史⼩說ē hiah濟⼈寫ê原因。M̄-koh，beh寫家族史⼩說是kài無簡單ê代誌，因為真正ê歷史凡勢無適合the̍ h來照寫；koh來，若寫了siunn過⽇常mā無⼈愛看。作者⼀般tik lóng ē另外編排，hōo故事khah⼼適、khah有戲劇性--leh，順紲將作者想beh藏tī內底ê訊息ka seh--入-去。咱ná讀tsit本⼩說ê時，ē-tàng ná想看春瑞兄伊ê⼼內話是啥。
春瑞兄⽤Ke-lâng做塗炭ê顏阿清kap王查某in家族仔做主題，uì⽇本時代寫起，透過步平百姓⼈ê⽣活kap想法，呈現台灣歷史ê記持kap精神。咱看冊內底ê⼈物個性，決定in ê運命，tse是⾃希臘慘齣到⽬今永遠bē退流⾏ê文學主題。啊是啥mih個性？尾--à是啥款運命？歹勢，春瑞兄交代咱寫序，咱li-li-lo-lo講規大thuann，不管按怎，就是bē-sái kā人「煏戲文」。⼩說好看，ài留hōo讀者家⼰沓沓仔享受，享受精彩ê內容，順suà學習作者tsiànn-pān ê台語，拙者就tī tsia擋恬，無koh ke話。
1過鹹水
顏家恩怨躼躼長，先uì平á做清算；伊是大囝誠歹袂ǹg，硬送祖國去做耍。
規日顧爽m̄認真，tak著美子先有身；出業進前先聯姻，戰亂轉來趕緊緊。
1939年，平á tsiah15歲，對台灣商工學校（開南商工）初中部出業，就kā老母王查某nai講欲去日本祖國讀高中；hit陣大東亞戰爭當teh起鼓，老爸顏阿清佇基隆炭礦會社，瑞芳二坑（1945年改名懷山煤礦）食1个死頭路，趁kah hit 2仙錢á，規家口á食粗飽niâ，盍有冗剩錢thang予伊過鹹水去祖國讀冊？
Koh較譀ê是顏阿清伊mā欲信講日本有穩贏ê範勢，大漢囝若真正去日本讀冊--轉-來，這聲就水滇船浮，奢颺kah掠袂牢--looh；老爸干焦it著tsia-ê無事sái ê khang頭，儉腸凹肚嘛欲予伊去日本讀高中，攏無teh煩惱厝--lí頭喙濟、所費傷重ê tánn頭，才是伊ài tsim-tsiok ê工課；正經是牛屎龜牚石枋，堅心標會á 硬欲予伊去日本讀冊。
這 koh是按怎講--leh？若kan-ta欲讀1个á高中，驚你考袂牢niâ，台北少缺高中thang讀；m̄過代誌出佇平á是phànn蟳無膏ê學生，見若去考試，就隨落氣步盡展，無1間考ē 牢。啊若講拚去日本就無仝--a，遐ê兩光高中，是癮你ê銀票á，uá去報名就tiâu kah有賰；平á ē夯硬篙欲去hia讀，干焦是逃生逃死欲開錢買1張祖國ê高中卒業證書niâ，煞tio̍h舞豬舞狗坐船過鹹水，用thit-thô 過日ê步數來讀冊，真正是離經 kah無地通比。
迵過tī日本讀多摩帝国美術學校（武蔵野美術学校前身）ê二姊金花in翁洪瑞霖ê紹介，去讀東京私立海城中學高中部，tsìn前有先央1个日本朋友kā鬥相仝稅厝予伊tuà，順suà𤆬伊去熟似四箍輾轉ê街頭巷尾kah民風土俗，舞1月日貼貼，才有較定著--落-來。
有1工，大體á是1942高三hit年咧欲出業ê進前，平á盤火車去新宿，講欲揣1个佇學校教冊，拄才退休ê鈴木老師，手蹄á拈1張有寫住所、番地ê字紙，khiā佇火車頭出口hia，kā鉸票ê驛副á問路，伸跤出手koh比懸比低講kui-poo久，平á嘛是sa無tsáng頭thang去揣路。註死m̄死，tsit箍驛副á有1个號做美子ê查某囝，散學坐火車到站，誠對千看著in阿爸kah1个飄撇、挑俍koh白肉ê少年家á，uî佇出口 m̄知teh花啥碗糕，緊mé khò倚去相借喙。
出出入入ê讀冊囡á kah落班欲轉厝ê過客jú來jú濟，驛副á老爸就吩咐美子kā平á報路，教伊欲按怎行，才ē當照心願揣著伊欲去ê所在。
對日語無蓋輾轉 ê 生份人來講，新宿ê舊街á三節六曲，有tsâi-tiāu佇3～5句話內底聽bat koh摸有路thang行，才是有鬼！
Ná報路ná徙跤行出來站外，美子就想講有心造塔著造到透尾，做bî是kā伊tshuā路，就免喙瀾波噴kah 1頭1面猶pìnn袂清。
若欲講真話，美子 ê尪á頭是中中á爾，獨獨少年koh膨皮sió-khuá ē 取--tit，攏無hit款看--tio̍h隨予人心肝頭pho̍k-pho̍k惝ê媠，tō是這个緣故，平á對伊ê 𠢕nai、好禮誠感心niâ，也無起啥物查埔、查某想欲意愛ê心念。反倒轉來講，美子 sannh--著平á ê lò跤、緣投、輕聲細說 koh有查埔人ê氣概，按呢才講ē通是按怎in ē鬥做伙koh 峇kah剝袂離ê因由。
有在地人𤆬路，誠緊就揣著鈴木老師ê舊厝；m̄過，拍門攏無應聲，人無佇厝--lí，平á姑不將就留“明日また伺います”ê字紙，擲入去批箱，才suá跤講欲轉去學寮，2个人koh行1節á無拍打馬膠ê塗路，碰著1條大通，美子講：「阮兜ài越正爿，你欲去火車頭是倒爿，我就陪你行到遮止。」ná講ná向腰頕頭。
平á嘛相趁相樣，m̄是向腰就是說謝，tìm kah頭欲甪--去；這款禮儀是真心iah是假意，無人臆ē著；路尾是美子先開喙kā平á討宿舍ê住所、番號；為著禮數，平á嘛有討美子ê。Uì這工起，就袂輸有魔神á teh擽尻川，kā in兩个牽入去相意愛ê湳田內底。頭起初是照in留予對頭ê住所番號teh通批，興bóng興，較輸講平á ê日語都活beh lóo--死，簡單ê口語koh無法度kā藏佇心門內ê意愛píng出來予美子知影，逐不時嘛喙佮心肝對ke̍h，寫kah離離落落袂tit通suah。M̄過，見若歇睏日，in攏先約1-tah ē使相拄頭ê所在，才𤆬去散步、thit-thô。
有1改，約佇東京êうえのおんしこうえん。
九--月ê日頭，不止á燒烙koh ē鑿人ê肉，好tit有誠懸ê樹蔭thang遮日，2个人揹冊包á，10-ki指頭á勾ân-ân，手ná幌跤ná趒，暢kah像細漢囡á欲去遠足按呢。
有teh斟酌台語⼩說ê⼈，無⼈m̄ 知影藍春瑞，春瑞兄ê作品m̄-nā台語tuann-tiah，koh有別⼈無ê特⾊，⼈講「囡仔bē⽤得偷⽣--得」，⼀下看就有爸仔⺟ê形體tī--leh；咱講「春瑞兄ê⼩說免徛名」，讀--落-去就知作者本⼈是tsiâ！
台語寫了媠氣且抾起，伊ê⼩說koh有兩項標頭：逐節攏⽤七字仔起khiàn、gâu寫「弄被風」ê齣頭（「弄被風」tsit个詞mā是我uì春瑞兄tsit本⼩說o̍h--ê）。頭⼀項標頭來講，啥⼈to知影寫⼩說寫了好ài有才情kap技術，m̄-koh若beh連七字仔to寫濟兼寫了tsiūnn-kioh，he就oh--ah，ohhuān oh，春瑞兄現現就是tsit款ê⼈才。
文學作品--裡「弄被風」真四常，m̄-koh寫tsit-lō「天地所設ê好戲」，beh按怎講kah拄拄仔好，bē siunn「⽩tsiánn」，koh bē「siunn鹹」tsua̋nn變做「細本--ê」，tse mā是本等--liooh。看春瑞兄ê⼿路，hōo拙者想著真濟女性愛讀ê浪漫史⼩說，若春瑞兄ê書寫khah偏男性觀點tsit點先不管，檢采thang講春瑞兄teh寫咱台文ê《Fifty Shade of Grey》（華語譯做《格雷的五⼗道陰影》），m̄知逐家有同意--無。呵咾ê話咱先拍tsām，翻頭來講tsit本上新ê台語⻑篇⼩說。
Beh講tsit本⼩說是啥類型，拙者我m̄是文學研究者，逐家bóng聽就好：Tsit本⼩說是世界文學內底真tiānn khuàinn ê家族史⼩說。咱台語文學上經典ê⻑篇《鄉史補記》就是uì黃慶餘kap朱泰雄兩个⼈ê家族án-ne湠--出-來--ê。
Án-ne講逐家凡勢iáu無概念，tann koh舉幾个仔例hōo逐家參考：《Cien años de soledad》（華語譯做《百年孤寂》）kap《Wuthering Heights》（華語譯做《咆哮⼭莊》）ē-sái講是通世界出名ê⼩說，頭前tsit本是取Buendía（華語譯做「邦迪亞」）家族tī百外冬中間按怎起家、按怎衰微來講古，啊另外hit本是取別莊大厝êEarnshaw（華語譯做「恩蕭」）家族做背景來發展。咱台灣ê作家來講，李喬ê《寒夜三部曲》kap鍾肇政ê《台灣⼈三部曲》，是in創作ê經典，in tsit幾本⼩說mā仝款屬tī家族史⼩說tsit个類型。2021年⾜tshìng ê客語電視劇「茶⾦」，是uì寫客⼈姜阿新in家族ê⼩說《茶⾦歲月》得著靈感--ê。例講kah tsia，相信逐家就知影家族史⼩說⾃以早到tsiàng時有偌時⾏--ah。
家族ê歷史牽涉著久⻑ê時間hām真濟⾓⾊，beh營為1 phō⻑篇⼩說，家族史ē-tàng提供tsiok phong-phài ê材料，檢采tse也是家族史⼩說ē hiah濟⼈寫ê原因。M̄-koh，beh寫家族史⼩說是kài無簡單ê代誌，因為真正ê歷史凡勢無適合the̍ h來照寫；koh來，若寫了siunn過⽇常mā無⼈愛看。作者⼀般tik lóng ē另外編排，hōo故事khah⼼適、khah有戲劇性--leh，順紲將作者想beh藏tī內底ê訊息ka seh--入-去。咱ná讀tsit本⼩說ê時，ē-tàng ná想看春瑞兄伊ê⼼內話是啥。
春瑞兄⽤Ke-lâng做塗炭ê顏阿清kap王查某in家族仔做主題，uì⽇本時代寫起，透過步平百姓⼈ê⽣活kap想法，呈現台灣歷史ê記持kap精神。咱看冊內底ê⼈物個性，決定in ê運命，tse是⾃希臘慘齣到⽬今永遠bē退流⾏ê文學主題。啊是啥mih個性？尾--à是啥款運命？歹勢，春瑞兄交代咱寫序，咱li-li-lo-lo講規大thuann，不管按怎，就是bē-sái kā人「煏戲文」。⼩說好看，ài留hōo讀者家⼰沓沓仔享受，享受精彩ê內容，順suà學習作者tsiànn-pān ê台語，拙者就tī tsia擋恬，無koh ke話。
1過鹹水
顏家恩怨躼躼長，先uì平á做清算；伊是大囝誠歹袂ǹg，硬送祖國去做耍。
規日顧爽m̄認真，tak著美子先有身；出業進前先聯姻，戰亂轉來趕緊緊。
1939年，平á tsiah15歲，對台灣商工學校（開南商工）初中部出業，就kā老母王查某nai講欲去日本祖國讀高中；hit陣大東亞戰爭當teh起鼓，老爸顏阿清佇基隆炭礦會社，瑞芳二坑（1945年改名懷山煤礦）食1个死頭路，趁kah hit 2仙錢á，規家口á食粗飽niâ，盍有冗剩錢thang予伊過鹹水去祖國讀冊？
Koh較譀ê是顏阿清伊mā欲信講日本有穩贏ê範勢，大漢囝若真正去日本讀冊--轉-來，這聲就水滇船浮，奢颺kah掠袂牢--looh；老爸干焦it著tsia-ê無事sái ê khang頭，儉腸凹肚嘛欲予伊去日本讀高中，攏無teh煩惱厝--lí頭喙濟、所費傷重ê tánn頭，才是伊ài tsim-tsiok ê工課；正經是牛屎龜牚石枋，堅心標會á 硬欲予伊去日本讀冊。
這 koh是按怎講--leh？若kan-ta欲讀1个á高中，驚你考袂牢niâ，台北少缺高中thang讀；m̄過代誌出佇平á是phànn蟳無膏ê學生，見若去考試，就隨落氣步盡展，無1間考ē 牢。啊若講拚去日本就無仝--a，遐ê兩光高中，是癮你ê銀票á，uá去報名就tiâu kah有賰；平á ē夯硬篙欲去hia讀，干焦是逃生逃死欲開錢買1張祖國ê高中卒業證書niâ，煞tio̍h舞豬舞狗坐船過鹹水，用thit-thô 過日ê步數來讀冊，真正是離經 kah無地通比。
迵過tī日本讀多摩帝国美術學校（武蔵野美術学校前身）ê二姊金花in翁洪瑞霖ê紹介，去讀東京私立海城中學高中部，tsìn前有先央1个日本朋友kā鬥相仝稅厝予伊tuà，順suà𤆬伊去熟似四箍輾轉ê街頭巷尾kah民風土俗，舞1月日貼貼，才有較定著--落-來。
有1工，大體á是1942高三hit年咧欲出業ê進前，平á盤火車去新宿，講欲揣1个佇學校教冊，拄才退休ê鈴木老師，手蹄á拈1張有寫住所、番地ê字紙，khiā佇火車頭出口hia，kā鉸票ê驛副á問路，伸跤出手koh比懸比低講kui-poo久，平á嘛是sa無tsáng頭thang去揣路。註死m̄死，tsit箍驛副á有1个號做美子ê查某囝，散學坐火車到站，誠對千看著in阿爸kah1个飄撇、挑俍koh白肉ê少年家á，uî佇出口 m̄知teh花啥碗糕，緊mé khò倚去相借喙。
出出入入ê讀冊囡á kah落班欲轉厝ê過客jú來jú濟，驛副á老爸就吩咐美子kā平á報路，教伊欲按怎行，才ē當照心願揣著伊欲去ê所在。
對日語無蓋輾轉 ê 生份人來講，新宿ê舊街á三節六曲，有tsâi-tiāu佇3～5句話內底聽bat koh摸有路thang行，才是有鬼！
Ná報路ná徙跤行出來站外，美子就想講有心造塔著造到透尾，做bî是kā伊tshuā路，就免喙瀾波噴kah 1頭1面猶pìnn袂清。
若欲講真話，美子 ê尪á頭是中中á爾，獨獨少年koh膨皮sió-khuá ē 取--tit，攏無hit款看--tio̍h隨予人心肝頭pho̍k-pho̍k惝ê媠，tō是這个緣故，平á對伊ê 𠢕nai、好禮誠感心niâ，也無起啥物查埔、查某想欲意愛ê心念。反倒轉來講，美子 sannh--著平á ê lò跤、緣投、輕聲細說 koh有查埔人ê氣概，按呢才講ē通是按怎in ē鬥做伙koh 峇kah剝袂離ê因由。
有在地人𤆬路，誠緊就揣著鈴木老師ê舊厝；m̄過，拍門攏無應聲，人無佇厝--lí，平á姑不將就留“明日また伺います”ê字紙，擲入去批箱，才suá跤講欲轉去學寮，2个人koh行1節á無拍打馬膠ê塗路，碰著1條大通，美子講：「阮兜ài越正爿，你欲去火車頭是倒爿，我就陪你行到遮止。」ná講ná向腰頕頭。
平á嘛相趁相樣，m̄是向腰就是說謝，tìm kah頭欲甪--去；這款禮儀是真心iah是假意，無人臆ē著；路尾是美子先開喙kā平á討宿舍ê住所、番號；為著禮數，平á嘛有討美子ê。Uì這工起，就袂輸有魔神á teh擽尻川，kā in兩个牽入去相意愛ê湳田內底。頭起初是照in留予對頭ê住所番號teh通批，興bóng興，較輸講平á ê日語都活beh lóo--死，簡單ê口語koh無法度kā藏佇心門內ê意愛píng出來予美子知影，逐不時嘛喙佮心肝對ke̍h，寫kah離離落落袂tit通suah。M̄過，見若歇睏日，in攏先約1-tah ē使相拄頭ê所在，才𤆬去散步、thit-thô。
有1改，約佇東京êうえのおんしこうえん。
九--月ê日頭，不止á燒烙koh ē鑿人ê肉，好tit有誠懸ê樹蔭thang遮日，2个人揹冊包á，10-ki指頭á勾ân-ân，手ná幌跤ná趒，暢kah像細漢囡á欲去遠足按呢。
訂購/退換貨須知
加入金石堂 LINE 官方帳號『完成綁定』，隨時掌握出貨動態：
提醒您！！
金石堂及銀行均不會請您操作ATM! 如接獲電話要求您前往ATM提款機，請不要聽從指示，以免受騙上當！
購買須知：
使用金石堂電子書服務即為同意金石堂電子書服務條款。
電子書分為「金石堂(線上閱讀+APP)」及「Readmoo(兌換碼)」兩種：
- 請至會員中心→電子書服務「我的e書櫃」領取複製『兌換碼』至電子書服務商Readmoo進行兌換。
退換貨須知：
- 因版權保護，您在金石堂所購買的電子書僅能以金石堂專屬的閱讀軟體開啟閱讀，無法以其他閱讀器或直接下載檔案。
- 依據「消費者保護法」第19條及行政院消費者保護處公告之「通訊交易解除權合理例外情事適用準則」，非以有形媒介提供之數位內容或一經提供即為完成之線上服務，經消費者事先同意始提供。（如：電子書、電子雜誌、下載版軟體、虛擬商品…等），不受「網購服務需提供七日鑑賞期」的限制。為維護您的權益，建議您先使用「試閱」功能後再付款購買。
商品評價