臺灣台語認證我上強1：伊索寓言
活動訊息
內容簡介
#掃描QR Code音檔，自學臺灣台語發音
#一書在手，全面訓練臺灣台語【閱讀、書寫、聽力、口語】
#配合A卷、B卷語言能力認證題型
#適合語文競賽臺灣台語情境演說
★專文推薦★
新北市鶯歌區永吉國小校長 鍾信昌
「活水來冊房」版主、新北市三峽區龍埔國小教師 黃震南
★聯名推薦★
臺灣師範大學教務長 劉美慧教授
「順聰款」版主 鄭順聰
新北市三峽國小教師 黃如莉
臺中市新高國小教師 李亭
臺南市裕文國小主任 楊芠函
臺南市麻豆國小教師 黃姿榕
高雄市五福國中主任 王崇憲
彰化縣南港國小老師 賴盈璇
【內容簡介】
◎掃描QR Code聽文本、題目、答案音檔，自學臺灣台語發音，認證提懸分！
予你輕鬆準備臺灣台語語言認證A卷和B卷，一擺共聽講讀寫攏練起來！用趣味的伊索寓言，那看故事那練臺灣台語。
三十回精彩的故事，無論是大人抑是囡仔，攏會當做伙來聽，做伙來講，閣會當練習書寫佮閱讀。
專業級的老師，針對題型設計的題目，予你輕鬆通過認證閣透過故事知影做人做事的道理。
【本書特色】
一、以閩南語字音字形撰寫故事文本，列出重要詞目、音讀、釋義，學習閩南語俗諺。
二、看四格漫畫寫短文，附30秒、1分鐘版本的參考答案，以及2分鐘的情境演說文字稿。
三、依故事文意撰寫閱讀測驗，馬上學、馬上測。
四、提供不同語詞，訓練串組成短文，加強語句書寫能力。
#一書在手，全面訓練臺灣台語【閱讀、書寫、聽力、口語】
#配合A卷、B卷語言能力認證題型
#適合語文競賽臺灣台語情境演說
★專文推薦★
新北市鶯歌區永吉國小校長 鍾信昌
「活水來冊房」版主、新北市三峽區龍埔國小教師 黃震南
★聯名推薦★
臺灣師範大學教務長 劉美慧教授
「順聰款」版主 鄭順聰
新北市三峽國小教師 黃如莉
臺中市新高國小教師 李亭
臺南市裕文國小主任 楊芠函
臺南市麻豆國小教師 黃姿榕
高雄市五福國中主任 王崇憲
彰化縣南港國小老師 賴盈璇
【內容簡介】
◎掃描QR Code聽文本、題目、答案音檔，自學臺灣台語發音，認證提懸分！
予你輕鬆準備臺灣台語語言認證A卷和B卷，一擺共聽講讀寫攏練起來！用趣味的伊索寓言，那看故事那練臺灣台語。
三十回精彩的故事，無論是大人抑是囡仔，攏會當做伙來聽，做伙來講，閣會當練習書寫佮閱讀。
專業級的老師，針對題型設計的題目，予你輕鬆通過認證閣透過故事知影做人做事的道理。
【本書特色】
一、以閩南語字音字形撰寫故事文本，列出重要詞目、音讀、釋義，學習閩南語俗諺。
二、看四格漫畫寫短文，附30秒、1分鐘版本的參考答案，以及2分鐘的情境演說文字稿。
三、依故事文意撰寫閱讀測驗，馬上學、馬上測。
四、提供不同語詞，訓練串組成短文，加強語句書寫能力。
名人推薦
推薦序1：做伙來學臺灣台語，予你輕鬆閣揣轉來較早的記持／新北市鶯歌區永吉國小校長 鍾信昌
俊陽是我的好朋友，閣較是我的臺灣台語指導老師，因為俊陽老師的指導，予我順利通過臺灣台語的中高級認證。《臺灣台語認證我上強1：伊索寓言》這本冊，是俊陽的新作，共古早的伊索寓言重新詮釋，予讀者佇欣賞故事的同時，嘛會當感受著臺灣本土語言的魅力和文化深度。
本冊收錄真濟經典的伊索寓言故事，而且用臺灣台語的形式呈現，予讀者會當用母語來理解遮的寓言故事的智慧。逐个故事攏有活潑的插圖，吸引讀者的注意力，予故事閣較趣味。對〈烏鴉啉水〉到〈龜兔走標〉，逐个故事攏有深刻的道理，予人反思生活中的種種情境。
臺灣台語成做臺灣的國家語言之一，承載豐沛的文化佮歷史。冊中使用的臺灣台語毋但紲拍閣自然，閣保留誠濟地方特色的用詞和表達方式，予人感受著厚厚的鄉土氣息。對臺灣的讀者來講，按呢的語言呈現毋但會當引起共鳴，閣較會當喚醒對家鄉的思念佮認同感。
伊索寓言上出名的是用簡單好捌的故事情節和深刻的道德教訓來寫故事。本冊當中的逐則寓言攏無例外，無論是〈狼來矣〉的警示，猶是〈龜兔走標〉的啟示，攏予人明白佇生活中應該按怎面對挑戰和困難。遮的故事毋但適合囡仔閱讀，嘛對大人有重要的啟發意義。透過遮的寓言，讀者會當學會曉按怎佇生活當中做出巧的選擇，而且理解誠信、拍拚佮友誼的重要性。
佇全球化的風氣內底，足濟地方語言面臨消失的危機。《臺灣台語認證我上強1：伊索寓言》毋但是一本故事冊，閣較是一部文化傳承的作品。伊予少年輩佇閱讀當中接觸臺灣台語，了解臺灣的文化背景，而且起致他們對母語的熱愛。按呢的冊對保護佮傳承臺灣的語言文化有重要的意義。
這本冊毋但適合規家口仔做伙閱讀，嘛是學校臺灣台語教育的輔助教材。老師會當利用遮的寓言故事來引𤆬學生進行道德教育，幫贊他們理解日常生活的價值觀佮倫理觀。透過討論故事內底角色和情節，學生會當閣較深入思考家己的行為佮選擇，培養批判思考和道德判斷的能力。
總的來講，《臺灣台語認證我上強1：伊索寓言》是一本值得推薦的好冊。伊毋但予讀者享受著精彩的故事，閣會當佇學習著生活內底的智慧和道理。這本冊是對臺灣台語文化的珍貴詮釋，也是對伊索寓言的現代化的再創作。無論是對佮意閱讀的囡仔，猶是對想欲了解臺灣文化的大人，這本冊攏是一本袂當欠缺的好作品。向望閣較濟人會當透過這本冊，感受著臺灣台語的媠，佇故事內底揣著生活的啟示。
------------------------------------------------------------------------------------------
推薦序2：看故事練臺灣台語／「活水來冊房」版主、新北市三峽區龍埔國小教師 黃震南
以早，臺灣台語演講、朗讀的評審定定私底下咧譬相，講遐的選手上台比賽，個個開喙袂輸竹管倒豆削削叫，內容嘛講天講地一粒一；毋過歇睏時間經過選手歇睏室，煞聽著選手佇內底哩哩囉囉開講攏咧落華語，才知影選手的臺灣台語齊是暗唸出來的，予評審感覺這个頭名評了足毋甘願！
所以佇2020 年，全國語文競賽第一擺佇學生組舉辦本土語「情境演講」比賽，替換往過的「背稿演講」，真正共「素養教育」佇比賽做較到。
情境演講比賽的規則是：選手會先抽鬮抽著一張圖，彼幅圖是四格的bàng-gà，選手有半點鐘的時間會使準備，才上台講故事，講了閣愛接受評審的提問。會抽著啥物圖、評審會問啥物問題，事先攏毋知，拄著按呢的比賽，若閣照抄過去背稿的方式訓練，真正是「剃頭店歇睏──無你法」，這完全愛靠內才的。
已經實施十外冬的臺灣台語認證，更加愛靠實力；毋但愛會曉講，閣愛聽有、看有、讀會出來、寫有路來，遮的攏愛捌透透。真濟人干焦想著欲去考認證，頭殼就𢯾咧燒：這是愛按怎準備啦！
有拜有保庇，有食藥有行氣；語言的底蒂雖然無法度速成，毋過經驗的累積，其實是會當對症下藥，予你對本來講話袂加圇，成做一个袂輸吳樂天的講古仙！
俊陽老師的這本《臺灣台語認證我上強１：伊索寓言》，是一帖良藥，用「看圖講話」加味，專門治療「認證」的「症（證）」（臺灣人講話，袂當無帶諧音的笑詼）。有畫家畫出古錐的圖，而且選用大人囡仔攏佮意的《伊索寓言》的古，攢足濟題型予你練：有看圖講話、情境演說、文章朗讀、閱讀測驗、語句書寫。
雖然對2025 年開始，語文競賽的情境演講題目，換做用文字講一个大約的情境，廢除四格bàng-gà 的題型；毋過，用四格bàng-gà 去擬定故事的粗坯，遵照「起承轉結」的段落來節時間，猶原是真好用的idea。佇遮，我用訓練過國賽選手的經驗，趁這个機會共逐家分享一下，看著情境欲編故事的一寡撇步：
一、先愛有時間、地點、人物。看圖講話的bàng-gà，通常有留一个鼻目縫予你知影是啥時間，可能是時鐘、曆日、日頭抑是天色。若有畫囡仔佇學校，就準做拜一至拜五，若是佇外口𨑨迌，就準做拜六禮拜。人物你會當講「我」，嘛會當共伊號名，毋過千萬毋通叫「小明」，彼是華語的語法，著愛叫「阿明」。
二、若是認證，講話錄音時間干焦一分鐘，毋免編傷濟對話；若是情境演講，國校組上無嘛愛講兩分鐘，所以我建議每一格（每一段）攏安排予人物有一句對話，按呢才袂講無到時間，而且有對話，故事毋才聽著有趣味。
三、若是故事講完，鈃仔聲猶袂霆，就趕緊閣加一段心得感想，可比講「經過這件代誌，阿明感覺……」，共故事牽到鈃仔聲霆為止，按呢才袂佇時間予人扣著分。以上三點愛注意的所在，予逐家做參考。
有俊陽老師做你的教練，出題予你實戰，較贏家己戇戇仔看臺灣台語連續劇，聽彼號半桶師的臺灣台語，就準做有咧做準備。人講：「拍一擺，較贏學九館」，若照這本「祕笈」一頁一頁沓沓仔練，臺灣台語一定會進步甲有看見。
俊陽是我的好朋友，閣較是我的臺灣台語指導老師，因為俊陽老師的指導，予我順利通過臺灣台語的中高級認證。《臺灣台語認證我上強1：伊索寓言》這本冊，是俊陽的新作，共古早的伊索寓言重新詮釋，予讀者佇欣賞故事的同時，嘛會當感受著臺灣本土語言的魅力和文化深度。
本冊收錄真濟經典的伊索寓言故事，而且用臺灣台語的形式呈現，予讀者會當用母語來理解遮的寓言故事的智慧。逐个故事攏有活潑的插圖，吸引讀者的注意力，予故事閣較趣味。對〈烏鴉啉水〉到〈龜兔走標〉，逐个故事攏有深刻的道理，予人反思生活中的種種情境。
臺灣台語成做臺灣的國家語言之一，承載豐沛的文化佮歷史。冊中使用的臺灣台語毋但紲拍閣自然，閣保留誠濟地方特色的用詞和表達方式，予人感受著厚厚的鄉土氣息。對臺灣的讀者來講，按呢的語言呈現毋但會當引起共鳴，閣較會當喚醒對家鄉的思念佮認同感。
伊索寓言上出名的是用簡單好捌的故事情節和深刻的道德教訓來寫故事。本冊當中的逐則寓言攏無例外，無論是〈狼來矣〉的警示，猶是〈龜兔走標〉的啟示，攏予人明白佇生活中應該按怎面對挑戰和困難。遮的故事毋但適合囡仔閱讀，嘛對大人有重要的啟發意義。透過遮的寓言，讀者會當學會曉按怎佇生活當中做出巧的選擇，而且理解誠信、拍拚佮友誼的重要性。
佇全球化的風氣內底，足濟地方語言面臨消失的危機。《臺灣台語認證我上強1：伊索寓言》毋但是一本故事冊，閣較是一部文化傳承的作品。伊予少年輩佇閱讀當中接觸臺灣台語，了解臺灣的文化背景，而且起致他們對母語的熱愛。按呢的冊對保護佮傳承臺灣的語言文化有重要的意義。
這本冊毋但適合規家口仔做伙閱讀，嘛是學校臺灣台語教育的輔助教材。老師會當利用遮的寓言故事來引𤆬學生進行道德教育，幫贊他們理解日常生活的價值觀佮倫理觀。透過討論故事內底角色和情節，學生會當閣較深入思考家己的行為佮選擇，培養批判思考和道德判斷的能力。
總的來講，《臺灣台語認證我上強1：伊索寓言》是一本值得推薦的好冊。伊毋但予讀者享受著精彩的故事，閣會當佇學習著生活內底的智慧和道理。這本冊是對臺灣台語文化的珍貴詮釋，也是對伊索寓言的現代化的再創作。無論是對佮意閱讀的囡仔，猶是對想欲了解臺灣文化的大人，這本冊攏是一本袂當欠缺的好作品。向望閣較濟人會當透過這本冊，感受著臺灣台語的媠，佇故事內底揣著生活的啟示。
------------------------------------------------------------------------------------------
推薦序2：看故事練臺灣台語／「活水來冊房」版主、新北市三峽區龍埔國小教師 黃震南
以早，臺灣台語演講、朗讀的評審定定私底下咧譬相，講遐的選手上台比賽，個個開喙袂輸竹管倒豆削削叫，內容嘛講天講地一粒一；毋過歇睏時間經過選手歇睏室，煞聽著選手佇內底哩哩囉囉開講攏咧落華語，才知影選手的臺灣台語齊是暗唸出來的，予評審感覺這个頭名評了足毋甘願！
所以佇2020 年，全國語文競賽第一擺佇學生組舉辦本土語「情境演講」比賽，替換往過的「背稿演講」，真正共「素養教育」佇比賽做較到。
情境演講比賽的規則是：選手會先抽鬮抽著一張圖，彼幅圖是四格的bàng-gà，選手有半點鐘的時間會使準備，才上台講故事，講了閣愛接受評審的提問。會抽著啥物圖、評審會問啥物問題，事先攏毋知，拄著按呢的比賽，若閣照抄過去背稿的方式訓練，真正是「剃頭店歇睏──無你法」，這完全愛靠內才的。
已經實施十外冬的臺灣台語認證，更加愛靠實力；毋但愛會曉講，閣愛聽有、看有、讀會出來、寫有路來，遮的攏愛捌透透。真濟人干焦想著欲去考認證，頭殼就𢯾咧燒：這是愛按怎準備啦！
有拜有保庇，有食藥有行氣；語言的底蒂雖然無法度速成，毋過經驗的累積，其實是會當對症下藥，予你對本來講話袂加圇，成做一个袂輸吳樂天的講古仙！
俊陽老師的這本《臺灣台語認證我上強１：伊索寓言》，是一帖良藥，用「看圖講話」加味，專門治療「認證」的「症（證）」（臺灣人講話，袂當無帶諧音的笑詼）。有畫家畫出古錐的圖，而且選用大人囡仔攏佮意的《伊索寓言》的古，攢足濟題型予你練：有看圖講話、情境演說、文章朗讀、閱讀測驗、語句書寫。
雖然對2025 年開始，語文競賽的情境演講題目，換做用文字講一个大約的情境，廢除四格bàng-gà 的題型；毋過，用四格bàng-gà 去擬定故事的粗坯，遵照「起承轉結」的段落來節時間，猶原是真好用的idea。佇遮，我用訓練過國賽選手的經驗，趁這个機會共逐家分享一下，看著情境欲編故事的一寡撇步：
一、先愛有時間、地點、人物。看圖講話的bàng-gà，通常有留一个鼻目縫予你知影是啥時間，可能是時鐘、曆日、日頭抑是天色。若有畫囡仔佇學校，就準做拜一至拜五，若是佇外口𨑨迌，就準做拜六禮拜。人物你會當講「我」，嘛會當共伊號名，毋過千萬毋通叫「小明」，彼是華語的語法，著愛叫「阿明」。
二、若是認證，講話錄音時間干焦一分鐘，毋免編傷濟對話；若是情境演講，國校組上無嘛愛講兩分鐘，所以我建議每一格（每一段）攏安排予人物有一句對話，按呢才袂講無到時間，而且有對話，故事毋才聽著有趣味。
三、若是故事講完，鈃仔聲猶袂霆，就趕緊閣加一段心得感想，可比講「經過這件代誌，阿明感覺……」，共故事牽到鈃仔聲霆為止，按呢才袂佇時間予人扣著分。以上三點愛注意的所在，予逐家做參考。
有俊陽老師做你的教練，出題予你實戰，較贏家己戇戇仔看臺灣台語連續劇，聽彼號半桶師的臺灣台語，就準做有咧做準備。人講：「拍一擺，較贏學九館」，若照這本「祕笈」一頁一頁沓沓仔練，臺灣台語一定會進步甲有看見。
目錄
推薦序１ 做伙來學臺灣台語，予你輕鬆閣揣轉來較早的記持
推薦序２ 看故事練臺灣台語
序 言 用臺灣台語來讀伊索寓言的趣味
◎拍拚類
烏鴉啉水
龜兔走標
狗蟻和草蜢仔
◎本份類
獅仔和鳥鼠
北風佮日頭
◎奸巧類
狼來矣
生金卵的雞
熊和旅客
井裡的狐狸
獅仔借力揣食物
老阿婆的目睭
毋知影分享的朋友
◎互相類
無誠意的主人
驢仔和主人
鴟鴞報恩
粉鳥和狗蟻
◎虛華類
袂堪得呵咾的烏鴉
掛喨仔的狗
賣牛奶的查某囡仔
驢仔學唱歌
狐狸和葡萄
◎侗戇類
金銀斧頭
想欲飛的龜
狼和羊仔
馬和鹿仔
爸囝騎驢
◎膨風類
愛激派頭的狐狸
苛頭的狗蟻
四跤仔愛膨風
鳥鼠會議
推薦序２ 看故事練臺灣台語
序 言 用臺灣台語來讀伊索寓言的趣味
◎拍拚類
烏鴉啉水
龜兔走標
狗蟻和草蜢仔
◎本份類
獅仔和鳥鼠
北風佮日頭
◎奸巧類
狼來矣
生金卵的雞
熊和旅客
井裡的狐狸
獅仔借力揣食物
老阿婆的目睭
毋知影分享的朋友
◎互相類
無誠意的主人
驢仔和主人
鴟鴞報恩
粉鳥和狗蟻
◎虛華類
袂堪得呵咾的烏鴉
掛喨仔的狗
賣牛奶的查某囡仔
驢仔學唱歌
狐狸和葡萄
◎侗戇類
金銀斧頭
想欲飛的龜
狼和羊仔
馬和鹿仔
爸囝騎驢
◎膨風類
愛激派頭的狐狸
苛頭的狗蟻
四跤仔愛膨風
鳥鼠會議
序／導讀
用臺灣台語來讀伊索寓言的趣味／魏俊陽
細漢的時，定定讀著華語版的伊索寓言，每一个故事攏誠短，真緊就會當讀完幾若篇故事。故事真趣味，足濟是用動物的角色來呈現故事的角色，毋過其實攏是咧講人的故事和代誌。
這擺用臺灣台語來寫和講伊索寓言的故事，閣有錄音檔，會當聽故事。讀者嘛會當家己用臺灣台語讀看覓，聽講讀寫，做一擺練習臺灣台語，閣會當成做準備臺灣台語認證的練習題目。
多謝黃如莉和李亭兩位老師，協助校稿和錄音，有影是一項大工程。向望這本冊，會當予閣較濟人認捌臺灣台語的媠，嘛予伊索寓言的故事，用臺灣台語表達做人做事正確的價值觀。佇趣味中，予你學著臺灣台語的氣口，學著一寡道理，學著用台語，嘛會當講故事，考認證，成做生活的語言，予臺灣台語繼續生湠落去！
細漢的時，定定讀著華語版的伊索寓言，每一个故事攏誠短，真緊就會當讀完幾若篇故事。故事真趣味，足濟是用動物的角色來呈現故事的角色，毋過其實攏是咧講人的故事和代誌。
這擺用臺灣台語來寫和講伊索寓言的故事，閣有錄音檔，會當聽故事。讀者嘛會當家己用臺灣台語讀看覓，聽講讀寫，做一擺練習臺灣台語，閣會當成做準備臺灣台語認證的練習題目。
多謝黃如莉和李亭兩位老師，協助校稿和錄音，有影是一項大工程。向望這本冊，會當予閣較濟人認捌臺灣台語的媠，嘛予伊索寓言的故事，用臺灣台語表達做人做事正確的價值觀。佇趣味中，予你學著臺灣台語的氣口，學著一寡道理，學著用台語，嘛會當講故事，考認證，成做生活的語言，予臺灣台語繼續生湠落去！
試閱
拍拚類
烏鴉啉水
A卷 30秒看圖講話參考答案
１、佇一塊大石頭附近，有一支矸仔，矸仔內底有一寡水。
２、有一隻烏鴉真喙焦，看著這支矸仔，毋過因為矸仔傷長，伊啉袂著水。
３、烏鴉咬一塊細塊的石頭仔，共擲入去矸仔內，水就沓沓仔漲懸起來。伊就飛幾若逝，一直去提石頭仔。
４、尾仔，矸仔內底的水漲到矸仔喙，這隻烏鴉就會當啉著水矣！
B卷 1分鐘看圖講話參考答案
１、佇一塊大石頭附近，有一支矸仔，矸仔內底有一寡水。
２、有一隻烏鴉，真喙焦，飛來飛去揣無水通啉，看著這支矸仔，就飛去矸仔頂懸想欲啉水。毋過因為矸仔傷長，伊的喙傷短，就啉袂著水。就開始想講愛按怎做才會當啉著水？
３、烏鴉那想那飛走，無偌久，伊就轉來矣！伊的喙咬一塊細塊石頭仔。伊共石頭仔擲入去矸仔內，水就沓沓仔漲懸起來。就按呢伊飛幾若逝，一直共石頭仔擲入去矸仔內。
４、尾仔，矸仔內底的水總算漲到矸仔喙，這隻烏鴉嘛會當啉著水矣，伊感覺真歡喜！
情境演說 2分鐘參考答案
森林內底有一條路，定定有人來拍獵，嘛有人會落一寡物件佇遐。佇一塊大石頭附近，有一支矸仔，矸仔內底有一寡水，遮是一个獵人落落來的。
有一隻烏鴉真喙焦，飛來飛去煞揣無水通啉，看著這支矸仔，真歡喜，就飛去矸仔頂懸想欲啉水。毋過因為矸仔傷長，伊的喙傷短，就啉袂著水。所以伊就開始想愛按怎才會當啉著水？
烏鴉那想那飛走，無偌久，伊的喙就咬一塊細塊石頭仔轉來矣！伊咬石頭仔擲矸仔，想欲共摃予破，結果啥物代誌攏無發生。伊繼續咬繼續擲，希望會當成功，結果無細膩煞共石頭仔擲入去矸仔內，伊發現水竟然沓沓仔漲懸起來。伊就飛幾若逝，一直咬石頭仔擲入去矸仔內底。
尾仔，矸仔內底的水總算漲到矸仔喙，這隻烏鴉嘛會當啉著水矣，伊感覺真歡喜！因為伊毋若止喙焦，閣完成一件本底伊認為無可能會當達成的代誌。
情境演說 Q＆A參考
Q：你認為烏鴉是按怎會去提石頭仔來？
A：因為伊想欲啉水，就想足濟辦法攏去試看覓。
Q：這个故事予你啥物啟示？
A：做代誌若拄著困難，應該攏愛試看覓各種有可能解決的辦法，無定就會揣出解決困難的好撇步。
烏鴉啉水
A卷 30秒看圖講話參考答案
１、佇一塊大石頭附近，有一支矸仔，矸仔內底有一寡水。
２、有一隻烏鴉真喙焦，看著這支矸仔，毋過因為矸仔傷長，伊啉袂著水。
３、烏鴉咬一塊細塊的石頭仔，共擲入去矸仔內，水就沓沓仔漲懸起來。伊就飛幾若逝，一直去提石頭仔。
４、尾仔，矸仔內底的水漲到矸仔喙，這隻烏鴉就會當啉著水矣！
B卷 1分鐘看圖講話參考答案
１、佇一塊大石頭附近，有一支矸仔，矸仔內底有一寡水。
２、有一隻烏鴉，真喙焦，飛來飛去揣無水通啉，看著這支矸仔，就飛去矸仔頂懸想欲啉水。毋過因為矸仔傷長，伊的喙傷短，就啉袂著水。就開始想講愛按怎做才會當啉著水？
３、烏鴉那想那飛走，無偌久，伊就轉來矣！伊的喙咬一塊細塊石頭仔。伊共石頭仔擲入去矸仔內，水就沓沓仔漲懸起來。就按呢伊飛幾若逝，一直共石頭仔擲入去矸仔內。
４、尾仔，矸仔內底的水總算漲到矸仔喙，這隻烏鴉嘛會當啉著水矣，伊感覺真歡喜！
情境演說 2分鐘參考答案
森林內底有一條路，定定有人來拍獵，嘛有人會落一寡物件佇遐。佇一塊大石頭附近，有一支矸仔，矸仔內底有一寡水，遮是一个獵人落落來的。
有一隻烏鴉真喙焦，飛來飛去煞揣無水通啉，看著這支矸仔，真歡喜，就飛去矸仔頂懸想欲啉水。毋過因為矸仔傷長，伊的喙傷短，就啉袂著水。所以伊就開始想愛按怎才會當啉著水？
烏鴉那想那飛走，無偌久，伊的喙就咬一塊細塊石頭仔轉來矣！伊咬石頭仔擲矸仔，想欲共摃予破，結果啥物代誌攏無發生。伊繼續咬繼續擲，希望會當成功，結果無細膩煞共石頭仔擲入去矸仔內，伊發現水竟然沓沓仔漲懸起來。伊就飛幾若逝，一直咬石頭仔擲入去矸仔內底。
尾仔，矸仔內底的水總算漲到矸仔喙，這隻烏鴉嘛會當啉著水矣，伊感覺真歡喜！因為伊毋若止喙焦，閣完成一件本底伊認為無可能會當達成的代誌。
情境演說 Q＆A參考
Q：你認為烏鴉是按怎會去提石頭仔來？
A：因為伊想欲啉水，就想足濟辦法攏去試看覓。
Q：這个故事予你啥物啟示？
A：做代誌若拄著困難，應該攏愛試看覓各種有可能解決的辦法，無定就會揣出解決困難的好撇步。
配送方式
-
台灣
- 國內宅配：本島、離島
-
到店取貨：
不限金額免運費
-
海外
- 國際快遞：全球
-
港澳店取：
訂購/退換貨須知
加入金石堂 LINE 官方帳號『完成綁定』，隨時掌握出貨動態：
提醒您！！
金石堂及銀行均不會請您操作ATM! 如接獲電話要求您前往ATM提款機，請不要聽從指示，以免受騙上當！
退換貨須知：
**提醒您，鑑賞期不等於試用期，退回商品須為全新狀態**
-
依據「消費者保護法」第19條及行政院消費者保護處公告之「通訊交易解除權合理例外情事適用準則」，以下商品購買後，除商品本身有瑕疵外，將不提供7天的猶豫期：
- 易於腐敗、保存期限較短或解約時即將逾期。（如：生鮮食品）
- 依消費者要求所為之客製化給付。（客製化商品）
- 報紙、期刊或雜誌。（含MOOK、外文雜誌）
- 經消費者拆封之影音商品或電腦軟體。
- 非以有形媒介提供之數位內容或一經提供即為完成之線上服務，經消費者事先同意始提供。（如：電子書、電子雜誌、下載版軟體、虛擬商品…等）
- 已拆封之個人衛生用品。（如：內衣褲、刮鬍刀、除毛刀…等）
- 若非上列種類商品，均享有到貨7天的猶豫期（含例假日）。
- 辦理退換貨時，商品（組合商品恕無法接受單獨退貨）必須是您收到商品時的原始狀態（包含商品本體、配件、贈品、保證書、所有附隨資料文件及原廠內外包裝…等），請勿直接使用原廠包裝寄送，或於原廠包裝上黏貼紙張或書寫文字。
- 退回商品若無法回復原狀，將請您負擔回復原狀所需費用，嚴重時將影響您的退貨權益。
商品評價